Krishna: అసలే వృద్ధురాలు. అందులోనూ ఆమె ఒంటరి మహిళ. తన సొంత ఇంట్లోనే ఉంటూ.. తోచినకాడికి వంట చేసుకుంటూ కాలం గడుపుతోంది. అయితే ఈ మధ్య ఆమెకు అనేక అనారోగ్య సమస్యలు వచ్చాయి. కారణంగా ఆమె వద్ద నుంచి దుర్వాసన వస్తోంది. దీంతో వృద్ధురాలు కూడా బయటకు రాకుండా ఇంట్లోనే కాలం వెళ్లదీస్తోంది. కానీ ఆమె ఇంట్లో ఉన్నప్పటికీ.. తమకు విపరీతమైన దుర్వాసన వస్తోందంటూ పక్కింటి మహిళ గొడవకు దిగింది. ఇంట్లో నుంచి వృద్ధురాలిని ఈడ్చుకొచ్చి రోడ్డుపై పడేసింది. ఇష్టం వచ్చినట్లుగా కొడుతూ దాడి చేసింది. అక్కడే ఉన్న స్థానికులు ఈ ఘటననూ చూస్తూ వీడియోలు, ఫొటోలు తీశారే తప్ప ఆపే ప్రయత్నం చేయలేదు. స్థానికుల ద్వారా విషయం తెలుసుకున్న పోలీసులు కేసు నమోదు చేసుకొని దర్యాప్తు చేస్తున్నారు.
అసలేం జరిగిందంటే..?
కృష్ణా జిల్లా నూజివీడులో ఒంటరిగా ఉంటున్న వృద్ధురాలిని ఇంట్లో నుంచి ఈడ్చుకెళ్లిందో మహిళ. చాట్రాయి మండలం గుడిపాడులో అడిమిల్లి లూర్దమ్మ అనే వృద్ధురాలు ఒంటరిగా ఉంటోంది. అయితే ఇటీవల తీవ్ర అనారోగ్యానికి గురైన ఆమె వద్ద నుంచి దుర్వాసన వస్తోంది. స్నానం కూడా చేసే ఓపిక లేకపోవడంతో.. అలాగే ఉంటోంది. అయితే పక్కింటి వాళ్లు తరచుగా ఆ వృద్ధురాలిపై కోపం చూపిస్తున్నారు. అంతా దుర్వాసన వస్తోందంటూ తిడుతున్నారు. ఇంటి పక్కనే ఉండే సికాకొల్లు శ్యామల అనే మహిళ అయితే.. వృద్ధురాలి నుంచి భరించలేని దుర్వాసన వస్తోందని ఆమెను బయటకు ఈడ్చుకొచ్చింది. ఇంట్లో పడుకున్న వృద్ధురాలి చేయి పట్టుకొని బయట రోడ్డు మీద వరకూ తీసుకొచ్చింది. ఇష్టం వచ్చినట్లుగా కొడుతూ, తిడుతూ.. ఇక్కడ ఉండకూడదు నువ్వు అంటూ హెచ్చరించింది.
స్థానికులు అందరూ అలాగే చూస్తూ ఉండిపోయారే తప్ప ఒక్కరూ కూడా ఆమెకు ఎదురు చెప్పలేదు. కనీసం వృద్ధురాలిని అలా వేధించకని కూడా కోరలేదు. వీడియోలు, ఫొటోలు తీస్తూ... సినిమా చూసినట్లు చూస్తుండిపోయారు. స్థానికుల ద్వారా వైరల్ గా మారిన ఈ వీడియో పోలీసుల వరకు చేరింది. కేసు నమోదు చేసుకున్న పోలీసులు దర్యాప్తు చేస్తున్నారు.
Also Read: Chandrayaan-3: చంద్రుడు, భూమి ఫోటోలు తీసిన చంద్రయాన్-3, ట్విట్టర్‌లో షేర్ చేసిన ఇస్రో
పామర్రులో దారుణం..
కృష్ణా జిల్లాలోని పామర్రు మండలం జమీగొల్వేపల్లి లో దారుణ హత్య వెలుగులోకి వచ్చింది. డెబ్బై సంవత్సరాల వయస్సులో అల్లుడు చేతిలో మామ దారుణ హత్యకు గురయ్యాడు. షేక్ అల్లా బక్షు ను అల్లుడు మీరావలి మెడపై దారుణంగా గాయపరిచాడు. దీంతో అతను అక్కడికక్కడే ప్రాణాలు విడిచాడు. ఈ సంఘటన స్దానికంగా తీవ్ర సంచలనం రేకెత్తించింది. హత్య ఘటనతో రెండు కుటుంబాల్లో విషాదం అలుముకుంది. గ్రామస్థులు అందించిన సమాచారం మేరకు రంగంలోకి దిగిన పోలీసులు కేసు నమోదు చేసుకొని విచారణ చేపట్టారు. ఈ హత్యకు మామ, అల్లుడు మధ్య మద్యం వివాదం కారణంగా జరిగిందని కుటుంబ సభ్యులు చెబుతున్నారు.
మీరావలి ప్రతి రోజు మద్యం తాగి వచ్చి కుటుంబ సభ్యులతో గొడవకు దిగుతున్నాడు. నిత్యం తాగి వచ్చి గొడవ పడటం, కుటుంబ సభ్యులను భార్య కూడ కొడుతుండంతో మామ అల్లా భక్షు అనేక సార్లు అల్లుడు మీరా వలిని మందలించాడు. ఇదే క్రమంలో సొమరవారం కూడ ఇరువురు మద్య వాగ్వాదం జరిగింది. ఆదివారం నాడు ఫుల్ గా మధ్యం సేవించి వచ్చిన అల్లుడు మీరావలి భార్య, ఇతర కుటుంబ సభ్యులతో గొడవ పడ్డాడు. అది కాస్త ఘర్షణకు దారి తీసింది. దీంతో కోపంలో ఉన్న అల్లుడు మీరావలి మామ మెడ పై కర్రతో దాడి దాచేశాడు.