బీసీసీఐ ప్రతిష్టాత్మకంగా నిర్వహించిన తొలి ఉమెన్స్ ప్రీమియర్ లీగ్ విజేతగా ముంబై నిలిచింది.

ఢిల్లీ క్యాపిటల్స్ తక్కువ స్కోరు చేయడంతో ఏకపక్షంగా సాగుతుందనుకున్న మ్యాచ్ ఉత్కంఠగా మారింది.

సాధించాల్సిన లక్ష్యం భారీగా లేకపోయినా ముంబైని ఢిల్లీ బౌలర్లు మూడు చెరువుల నీళ్లు తాగించారు.

ఈజీగా గెలవాల్సిన మ్యాచ్‌ను ఉత్కంఠగా మార్చారు.

ఈ మ్యాచ్‌లో ఢిల్లీ క్యాపిటల్స్ తొలుత టాస్ గెలిచి బ్యాటింగ్ ఎంచుకుంది.

నిర్ణీత 20 ఓవర్లలో 9 వికెట్ల నష్టానికి 131 పరుగులు చేసింది.

కెప్టెన్ మెగ్ లానింగ్ (35) టాప్ స్కోరర్‌గా నిలిచింది.

షెఫాలీ వర్మ, అలీస్ క్యాప్సీ, జెమీమా రోడ్రిగ్స్ వంటి స్టార్ బ్యాటర్లు విఫలమయ్యారు.

కానీ ఆఖర్లో శిఖా పాండే, రాధా యాదవ్ మెరుపులు మెరిపించారు.

లక్ష్య ఛేదనలో ముంబై కూడా ఇబ్బంది పడింది. కానీ ఎట్టకేలకు విజయం సాధించింది.