ఆస్ట్రేలియాతో జరుగుతున్న నిర్ణయాత్మక మూడో వన్డేలో భారత్ ఓటమి పాలైంది.

270 పరుగుల లక్ష్యంతో బరిలోకి దిగిన భారత్ 49.1 ఓవర్లలో 248 పరుగులకు ఆలౌట్ అయింది.

అర్థ సెంచరీ సాధించిన విరాట్ కోహ్లీ (54) టాప్ స్కోరర్‌గా నిలిచాడు.

ఆస్ట్రేలియా బౌలర్లలో ఆడం జంపా నాలుగు వికెట్లు తీసుకున్నాడు.

మొదట బ్యాటింగ్ చేసిన ఆస్ట్రేలియా 49 ఓవర్లలో 269 పరుగులకు ఆలౌట్ అయింది.

2019 తర్వాత భారత్ స్వదేశంలో సిరీస్ కోల్పోవడం ఇదే తొలిసారి.

అప్పుడు కూడా ఆస్ట్రేలియానే భారత్‌ను ఓడించింది.

ఈ మధ్యకాలంలో భారత్ వరుసగా ఏడు సిరీస్‌లు గెలిచింది.

ఈ మ్యాచ్‌లో ఆడం జంపాకు ప్లేయర్ ఆఫ్ ది మ్యాచ్ అవార్డు లభించింది.

మిషెల్ మార్ష్‌ను ప్లేయర్ ఆఫ్ ది సిరీస్ అవార్డు వరించింది.