ములుగు జిల్లాలోని ప్రముఖ పర్యాటక ప్రాంతమైన బొగత జలపాతం ఉప్పొంగుతూ పర్యాటకులను కనువిందు చేస్తోంది.

ఎగువ పరివాహక ప్రాంతాల్లో కురుస్తున్న భారీ వర్షాల కారణంగా ములుగు జిల్లా జలపాతానికి నీటి ప్రవాహం భారీగా పెరిగింది.

ప్రకృతి అందాలతో పరవళ్లు తొక్కుతున్న ఈ జలపాతాన్ని వీక్షించేందుకు పలు జిల్లాల ప్రాంతాల నుంచి పర్యాటకులు పెద్ద సంఖ్యలో తరలివస్తున్నారు.

హైదరాబాద్ నుంచి 440 కి.మీ. దూరంలో, వరంగల్ నుంచి 130 కిలోమీటర్లు, ఖమ్మం నుంచి 240 కిలోమీటర్లు, భద్రాచలం నుంచి 120 కి.మీ దూరంలో ఉంది.

నీటి ప్రవాహం ఉద్ధృతంగా ఉండటం, గతంలో ఇక్కడ వరుస ప్రమాదాలు చోటుచేసుకోవడంతో అధికారులు అప్రమత్తం అయ్యారు.

పర్యాటకుల భద్రత దృష్టిలో ఉంచుకుని అధికారులు బోగత వాటర్‌ఫాల్స్ వద్ద కఠిన ఆంక్షలు విధించారు.

బోగత జలపాతం సమీపంలోని నిషేధిత ప్రాంతాల్లోకి ఎవరూ వెళ్లకుండా అధికారులు చర్యలు చేపట్టారు.

పర్యాటకులు నీటిలోకి దిగకుండా, కేవలం దూరంగా ఉండి జలపాత అందాలను వీక్షించాలని సూచించారు.

ములుగు జిల్లా వాజేడు మండలం బోగత గ్రామంలో బోగత జలపాతం ఉంది. వాజేడు మండలం కేంద్రానికి 5 కిలోమీటర్లు దూరంలో ఉంది.