అందాల భామ వర్షిణి సుందరరాజన్, తన లేటెస్ట్ ఇన్స్టా రీల్ తో నెట్టింట సందడి చేసింది. వినాయక చవితి సందర్భంగా అందరికీ శుభాకాంక్షలు తెలియజేస్తూ, సరికొత్త ఫోటోలను అభిమానులతో పంచుకుంది. రెడ్ కలర్ దుస్తుల్లో మెరిసిపోతున్న వర్షిణి సుందరరాజన్ అందాలకు నెటిజన్లు ఫిదా అవుతున్నారు. ఏంజెల్ మాదిరిగా కనిపిస్తున్నావని, ఎంతో బ్యూటిఫుల్ గా ఉన్నావంటూ కామెంట్ల వర్షం కురిపిస్తున్నారు. గణేష్ చతుర్దశి స్పెషల్ గా వర్షిణి షేర్ చేసిన వీడియో, ఫోటోలు సోషల్ మీడియాలో వైరల్ అవుతున్నాయి. మోడలింగ్ ద్వారా ఇండస్ట్రీలో అడుగుపెట్టిన వర్షిణి సుందరరాజన్.. 'శంభో శివ శంభో'తో వెండి తెరకు పరియమైంది. 'చందమామ కథలు' 'లవర్స్' 'కాయ్ రాజా కాయ్', 'బెస్ట్ యాక్టర్స్', 'శ్రీరామ రక్ష' వంటి చిత్రాల్లో నటించిందీ తమిళ బ్యూటీ. సినిమాల్లో పెద్దగా గుర్తింపు దక్కకపోవడంతో, 'పటాస్ 2' షోతో యాంకర్ గా బుల్లి తెరపైకి ఎంట్రీ ఇచ్చింది. తన ముద్దు ముద్దు మాటలతో, హాట్ అందాలతో యువ హృదయాలను ఆకట్టుకుంది. ప్రస్తుతం వర్షిణి ఓవైపు టీవీ షోలు చేస్తూనే, మరోవైపు అవకాశం వచ్చినప్పుడల్లా సినిమాలు & వెబ్ సిరీస్ లలో నటిస్తోంది.