టెలిగ్రాం స్టోరీస్ ఫీచర్‌ను ఈ సంవత్సరం జూన్‌లో లాంచ్ చేశారు. ఇప్పుడు దీన్ని మరింత మెరుగుపరుస్తున్నారు. ప్రీమియం యూజర్లు తమకు నచ్చిన ఛానెళ్లకు ‘బూస్ట్స్’ ఇచ్చే ఆప్షన్ వచ్చింది. దీని ద్వారా ఆయా ఛానెళ్లు స్టోరీలు పోస్ట్ చేయవచ్చు. ఎక్కువ ‘బూస్ట్స్’ పొందడం ద్వారా ఛానెల్ అడ్మిన్స్ రోజుకు ఒక అదనపు స్టోరీ పెట్టే అవకాశం రానుంది. ఛానెళ్లు తమ సబ్‌స్క్రైబర్లను ‘బూస్ట్స్’ కోసం రిక్వెస్ట్ చేసే ఆప్షన్ కూడా ఉంది. యూజర్లు స్టోరీలకు ఎమోజీలు, స్టిక్కర్లతో కూడా రెస్పాండ్ అయ్యే ఫీచర్ కూడా తీసుకొచ్చారు. ప్రీమియం యూజర్లు ఐదు వరకు రియాక్షన్ స్టిక్కర్లు యాడ్ చేసుకోవచ్చు. దీంతోపాటు స్టోరీలో మ్యూజిక్ ఫీచర్‌ను కూడా తీసుకువచ్చారు. వాట్సాప్ తరహాలో ఫొటోలకు, వీడియోలకు ‘వ్యూ వన్స్’ పెట్టుకునే ఆప్షన్ కూడా ఉంది.