స్మార్ట్‌ఫోన్‌కి బ్రెయిన్‌ లాంటిదే ప్రాసెసర్. అది ఎంత మెరుగ్గా పని చేస్తే ఫోన్‌ పర్‌ఫార్మెన్స్‌ అంత బాగుంటుంది.

ఏదైనా ప్రాసెసర్‌ని ఎంపిక చేసే ముందు కోర్స్‌, క్లాక్‌ స్పీడ్స్ చెక్ చేసుకోవాలి. ప్రస్తుతం మల్టీ కోర్ ప్రాసెసర్‌లే వస్తున్నాయి.

క్లాక్‌ స్పీడ్స్‌ని గిగాహెట్జ్‌లో (GHz) మెన్షన్ చేస్తారు. ప్రాసెసర్‌ని బట్టి ఈ క్లాక్‌ స్పీడ్స్ 1.7 నుంచి 2.8 వరకూ ఉంటుంది.

ఎక్కువ గిగాహెట్జ్‌ ఉంటే ఫోన్‌ అంత బెటర్‌గా పర్‌ఫామ్ చేస్తుందని అర్థం. ప్రాసెసర్‌ని బట్టి ఈ క్లాక్‌స్పీడ్ మారిపోతుంది.

ఒకవేళ ఫోన్‌లో వీడియో ఎడిటింగ్‌ చేయాలన్నా, గేమ్స్ ఆడాలన్నా GHz ఎక్కువగా ఉండేలా చూసుకోవాలి.

అవసరాన్ని బట్టి ప్రాసెసర్ కోర్స్‌, స్పీడ్‌ని ఓ సారి కంపేర్ చేసి సరైన ప్రాసెసర్‌ని ఎంపిక చేసుకోవాలి.

సాధారణంగా మీడియాటెక్‌, క్వాల్‌కమ్ ప్రాసెసర్స్ ఎక్కువగా కనిపిస్తాయి. పాపులర్ బ్రాండ్స్ అన్నీ వీటినే వాడతాయి.

శామ్‌సంగ్‌, మోటరోలా, ఎల్‌జీ మొబైల్స్‌లో క్వాల్‌కమ్, వివో, ఒప్పో ఫోన్‌లలో మీడియాటెక్ ప్రాసెసర్లుంటాయి.

కాస్త బడ్జెట్‌లో కావాలనుకుంటే మీడియాటెక్‌ ప్రాసెసర్లు ఎంపిక చేసుకోవచ్చు. ఖర్చైనా పర్లేదనుకుంటే క్వాల్‌కమ్ బెటర్.