ఐపీఎల్‌లో జరిగిన చారిత్రాత్మక మ్యాచ్‌లో ముంబై 31 పరుగులతో ఓటమి పాలైంది. కానీ బోలెడన్ని రికార్డులను ముంబై బ్యాటర్లు బద్దలు కొట్టారు. ఈ మ్యాచ్‌లలో ముంబై సాధించిన 246/5 స్కోరు ఐపీఎల్ చరిత్రలోనే ఛేజింగ్‌లో హయ్యస్ట్. పవర్ ప్లేలో ముంబై ఇండియన్స్ (81/1) తమ ఐదో అత్యధిక స్కోరును సాధించింది. ఐపీఎల్ చరిత్రలో ఛేజింగ్‌లో మొదటి 10 ఓవర్లలో అత్యధిక పరుగులను ముంబై (141/2) సాధించింది. ఐపీఎల్‌లో ముంబై తరఫున 100 సిక్సర్లు కొట్టిన మూడో ఆటగాడిగా హార్దిక్ నిలిచాడు. మొదటి రెండు స్థానాల్లో పొలార్డ్ (223 సిక్సర్లు), రోహిత్ శర్మ (210 సిక్సర్లు) ఉన్నారు. సింగిల్ ఐపీఎల్ మ్యాచ్‌లో ముంబైకి ఇవే అత్యధిక సిక్సర్లు (20). ఓవరాల్‌గా ఆర్సీబీ (21) మొదటి స్థానంలో ఉంది. ఐపీఎల్ చరిత్రలోనే అత్యధిక బౌండరీలు (69) ఈ మ్యాచ్‌లోనే వచ్చాయి.