మొదటి సీజన్ కంటే తక్కువ ధరకే ఆడనున్న ధోని - చెన్నై ఎంతకు రిటైన్ చేసింది? ధోని ఫ్యాన్స్‌కు చెన్నై సూపర్ కింగ్స్ ఫ్రాంచైజీ గుడ్ న్యూస్ చెప్పింది. ఐపీఎల్ 2025లో ధోని ఆడనున్నాడు. చెన్నై సూపర్ కింగ్స్ మేనేజ్‌మెంట్ మహేంద్ర సింగ్ ధోనిని అన్‌క్యాప్డ్ ప్లేయర్ కోటాలో రిటైన్ చేసింది. ఈ ఐపీఎల్ ఆడినందుకు మహేంద్ర సింగ్ ధోని రూ.4 కోట్లు మాత్రమే పొందనున్నాడు. ఇది అతని మొదటి ఐపీఎల్ వేలం రేటు కంటే తక్కువ. ఐపీఎల్ 2008 సీజన్‌లో మహేంద్ర సింగ్ ధోనిని చెన్నై సూపర్ కింగ్స్ 1.5 మిలియన్ డాలర్లకు కొనుగోలు చేసింది. అప్పటి డాలర్ రేటు ప్రకారం భారతీయ కరెన్సీలో రూ.ఆరు కోట్లు ధోనికి ఆ సీజన్‌లో అందాయి. ఐపీఎల్ 2024లో అంత కంటే తక్కువ మొత్తాన్ని ధోని అందుకోనున్నాడు. ఐపీఎల్ 2008 వేలంలో అత్యధిక ధరకు అమ్ముడుపోయింది ధోనినే. ఇప్పటి డాలర్ రేటు ప్రకారం చూసుకుంటే అది రూ.13 కోట్ల వరకు ఉంటుంది. కానీ ఫ్రాంచైజీ పర్స్ ఎక్కువ మిగిలి, వేలంలో మంచి ఆటగాళ్లను కొనుగోలు చేయాలని ధోని ఈ నిర్ణయం తీసుకున్నాడు.