ఈ విజయంతో 92 సంవత్సరాల టెస్టు క్రికెట్ చరిత్రలో భారత్ ఒక మైలురాయిని చేరుకుంది.
టీమిండియా విజయాలు, ఓటముల నిష్పత్తి ‘1’ దాటింది.
అంటే భారత్ టెస్టు క్రికెట్ ప్రారంభించాక మొదటి సారి ఓటముల కంటే విజయాలు ఎక్కువ ఉన్నాయన్న మాట.
ఇప్పటివరకు భారత్ మొత్తంగా 580 టెస్టులు ఆడింది.
ఇందులో 179 మ్యాచ్‌ల్లో విజయాలు సాధించగా, 178 ఓటములు చవిచూసింది.
ఓటములు, విజయాల కంటే డ్రాలు ఎక్కువగా ఉన్నాయి. ఏకంగా 222 మ్యాచ్‌లను భారత్ డ్రా చేసుకుంది.
అలాగే అశ్విన్ కూడా ఒక రికార్డు సృష్టించాడు.
భారత్ తరఫున నాలుగో ఇన్నింగ్స్‌లో అత్యధిక వికెట్లు తీసుకున్న బౌలర్‌గా నిలిచాడు.
94 వికెట్లు తీసిన అనిల్ కుంబ్లేను వెనక్కి నెట్టి, 99 వికెట్లతో టాప్‌కు చేరాడు.