ముందుగా బియ్యాన్ని శుభ్రమైన నీటిలో అరగంట నానబెట్టి, వాటిని రెండుసార్లు బాగా క‌డిగి ఆ నీటిని వ‌డ‌క‌ట్టాలి. ఆ నీటిని చర్మానికి పట్టిస్తే కణాలు పునరుజ్జీవింపబడతాయి. ఈ నీళ్లు ముఖానికి అప్లై చేయడం మృత‌క‌ణాలు తొలిగి ప్ర‌కాశ‌వంతంగా త‌యార‌వుతుంది. ఆ నీటిలో కాటన్ వస్త్రాన్ని ముంచి, ముఖంపై అద్దుకోవాలి. బ్లాక్ హెడ్స్, వైట్ హెడ్స్ ఉన్నవారు రెగ్యూల‌ర్ గా వాడితే మంచి మార్పు ఉంటుంది బియ్యం నీళ్లను రెగ్యులర్ గా వాడితే మీ ముఖంపై క్రమంగా మొటిమలు తగ్గుతాయి. జుట్టు పెరుగుదలను మెరుగుపరచడానికి ఈ నీరు ఎంత‌గానో ఉప‌యోగ‌ప‌డుతుంది. ఈ నీటిలో విట‌మిన్ ఏ, విట‌మిన్ బీ, విట‌మిన్ సీ, ఎమైనో ఆమ్లాలు ఉంటాయి. ఈ నీళ్లు జుట్టుకు మంచి కండీష‌నర్ గా ప‌నిచేస్తాయి. అందుకోసం ఈ నీటిని జుట్టు కుదుళ్ళకు పట్టించాలి. ఒక అర గంట త‌ర్వాత హెడ్ బాత్ చేస్తే హెయిర్ సిల్కీ గా ఉంటుంది.