నిర్మల్ జిల్లా ఖానాపూర్ మున్సిపల్ చైర్‌పర్సన్‌గా అంకం మౌనిక (బీజేపీ) ఎన్నికయ్యారు.

ఖానాపూర్ మున్సిపల్ వైస్ చైర్మన్ పదవిని మహమ్మద్ సోయబ్ హుస్సేన్ (బీఆర్ఎస్) దక్కించుకున్నారు.

కౌన్సిలర్లు తమ చేతులు ఎత్తి మద్దతు తెలపడం ద్వారా ఈ ఎన్నిక ప్రక్రియ నిర్వహించారు

ఖానాపూర్ ఎమ్మెల్యే వెడ్మ బొజ్జు పటేల్ ఎక్స్ అఫిషియో సభ్యునిగా హాజరై తన ఓటు హక్కును వినియోగించుకున్నారు.

ఎన్నిక అనంతరం నూతన చైర్‌పర్సన్, వైస్ చైర్మన్‌లు అధికారికంగా ప్రమాణ స్వీకారం చేశారు.

ఎన్నికల అధికారులు ఖానాపూర్ మున్సిపల్ చైర్ పర్సన్, వైస్ చైర్మన్లకు ధ్రువీకరణ పత్రాలను అందజేసి శుభాకాంక్షలు తెలిపారు.

ఖానాపూర్ మున్సిపల్ చైర్మన్ , వైస్ చైర్మన్ ఎన్నిక శనివారం నుంచి ఆదివారం వాయిదా పడగా చివరికి ప్రశాంతంగా ముగిసింది.

మున్సిపల్ కార్యాలయం వద్ద జిల్లా ఎస్పీ జానకి షర్మిల, అదనపు ఎస్పీ ఉపేంద్రరెడ్డిలు భారీ బందోబస్తును పర్యవేక్షించారు.

ఈ కార్యక్రమంలో ఐటీడీఏ పీవో యువరాజ్ మర్మాట్, అదనపు కలెక్టర్ కిషోర్ కుమార్ సహా పలువురు ఉన్నతాధికారులు పాల్గొన్నారు.