ఇరాన్ ఒక్కసారిగా ఇజ్రాయేల్‌పై మిజైల్స్ దాడి చేయడం ఉలిక్కిపడేలా చేసింది. 300 డ్రోన్‌లతో దాడికి పాల్పడినట్టు తెలుస్తోంది. అసలు ఈ రెండు దేశాల మధ్య ఎప్పటి నుంచో వైరం కొనసాగుతోంది. ఇటీవల జరిగిన ఓ ఘటనతో ఉద్రిక్తతలు పెరిగాయి. ఇరాన్ మద్దతుతో హెజ్బుల్లా ఉగ్రవాదులు గతంలో ఇజ్రాయేల్‌పై చాలా సార్లు దాడి చేశారు. ఇప్పుడు ఇరానే నేరుగా దాడులు చేసింది. డమాస్కస్‌ ఎంబసీపై ఇజ్రాయేల్ దాడి చేసిందని, అందుకే ప్రతిదాడి చేశామని ఇరాన్ చెబుతోంది. ఇజ్రాయేల్ మాత్రం ఆ ఎంబసీ దాడితో తమకు సంబంధం లేదని తేల్చి చెప్పింది. అంతకంతకు బదులు తీర్చుకుంటామని చాలా గట్టిగా చెబుతోంది ఇరాన్. దాడులు మరింత తీవ్రతరం చేస్తామని హెచ్చరిస్తోంది. ఇజ్రాయేల్‌కి అగ్రరాజ్యం మద్దతునిస్తున్నా ఈ గొడవలో తలదూర్చకూడదంటూ ఐక్యరాజ్యసమితి మందలించింది. ఇరాన్ దాడుల తరవాత ఐక్యరాజ్య సమితి భద్రతా మండలి అత్యవసర సమావేశం ఏర్పాటు చేసి పరిస్థితులను సమీక్షించింది.