సూడాన్‌లో ఏడాదిగా జరుగుతున్న అంతర్యుద్ధం ఆ దేశాన్ని దుర్భర స్థితికి దిగజార్చింది. ఆహారం దొరక్క ప్రజలు ఆకలితో అల్లాడిపోతున్నారు.

ఆకలి తీరాలంటే సైనికులు తమ కోరికలు తీర్చాలని షరతులు పెడుతున్నారు. మనసు చంపుకుని మహిళలు ఒప్పుకుంటున్నారు.

ఫుడ్ ఫ్యాక్టరీల్లో కాపు కాస్తున్న సైనికులు మహిళలతో తమ వాంఛలు తీర్చుకుంటున్నారు. ఆ తరవాతే తిండి పెడుతున్నారు.

అంతర్యుద్ధం మొదలైనప్పటి నుంచి ఈ అమానుషాలు జరుగుతున్నాయి. ఏడాదిగా బాధను దిగమింగుకుని గడుపుతున్నారు.

నిలువ నీడ కావాలన్నా సైనికుల కోరికలు తీర్చాల్సి వస్తోందని బాధిత మహిళలు ఆవేదన చెందుతున్నారు.

ఇన్ని దారుణాలు జరుగుతున్నా తమని ఎవరూ పట్టించుకోవడం లేదని మహిళలు కన్నీళ్లు పెట్టుకుంటున్నారు.

ఎవరూ లేని మారుమూల ఇళ్లలో సామాన్లు వాడుకోవాలన్నా కోరిక తీర్చందే సైనికులు అడుగు పెట్టనివ్వడం లేదు.

ఇక్కడ దారుణాలు భరించలేక లక్షలాది మంది వలస వెళ్తున్నారు. ఇప్పటికే లక్షన్నర మంది ఈ అంతర్యుద్ధానికి బలి అయ్యారు.