నేడు మహేశ్ బాబు పుట్టినరోజు సందర్భంగా ఆయన్ను 'సూపర్ స్టార్' చేసిన 10 బెస్ట్ ఫిల్మ్స్ ఏంటో తెలుసుకుందాం!

మహేష్ బాబు హీరోగా పరిచయమైన సినిమా 'రాజకుమారుడు'. ఈ మూవీతో మహేశ్ సక్సెస్ ఫుల్ గా లాంచ్ అవ్వడమే కాదు, బెస్ట్ డెబ్యూ హీరోగా నంది అవార్డు అందుకున్నాడు.

మహేశ్ ను ఫ్యామిలీ ఆడియన్స్ కు దగ్గర చేసిన సినిమా 'మురారి'. ఇందులో ఓవైపు చిలిపి చేష్టలతో నవ్విస్తూనే, మరోవైపు ఎమోషనల్ సీన్స్ లో ఏడిపించాడు.

నటుడిగా మహేష్ ను మరో మెట్టు ఎక్కించిన చిత్రం 'నిజం'. రిజల్ట్ ఎలా ఉన్నా, తనకు మాత్రం మంచి పేరు తెచ్చిపెట్టింది. ఈ సినిమాలో ఆయన నటనకు గాను నంది అవార్డు వరించింది.

మహేష్ కు మాస్ లో మంచి ఫాలోయింగ్ తెచ్చిపెట్టిన సినిమా 'ఒక్కడు'. బ్లాక్ బస్టర్ గా నిలవడమే కాదు, అప్పటికి అత్యధిక వసూళ్లు సాధించిన తెలుగు చిత్రాలలో ఒకటిగా నిలిచింది.

మహేష్ జీవితంలో మర్చిపోలేని సినిమా 'పోకిరి'. ఈ చిత్రం 200 సెంటర్లలో 100 రోజులు ఆడింది. ₹70 కోట్లు వసూలు చేసి, టాలీవుడ్ రికార్డులను బద్దలు కొట్టింది.. ఇండస్ట్రీ హిట్‌గా నిలిచింది.

మహేశ్ బాబు కెరీర్ లో గుర్తుండిపోయే సినిమాల్లో 'ఖలేజా' ఒకటి. బాక్సాఫీస్ వద్ద ప్లాప్ అయినప్పటికీ, మహేశ్ లోని కామెడీ యాంగిల్ ని బయటకు తీసింది.

మహేష్ ను టాలీవుడ్ స్టార్ హీరోలలో అగ్ర స్థానంలో నిలిపిన చిత్రం 'దూకుడు'. ఆ ఏడాది అత్యధిక వసూళ్లు రాబట్టిన తెలుగు చిత్రంగా నిలవడమే కాదు, 100 కోట్ల క్లబ్ లో చేరింది.

యాక్టింగ్ పరంగా 'బిజినెస్ మ్యాన్' సినిమా మహేష్ లోని కొత్త కోణాన్ని పరిచయం చేసింది. ఇంటెన్స్ యాక్టింగ్ తో, తన అద్భుతమైన డైలాగ్ డెలివరీతో కట్టిపడేసాడు.

తెలుగులో మల్టీస్టారర్ ట్రెండ్ కు నాంది పలికిన సినిమా 'సీతమ్మ వాకిట్లో సిరిమల్లె చెట్టు'. వెంకటేష్ తో కలిసి నటించిన ఈ ఫ్యామిలీ డ్రామా, మహేశ్ కు మరో బ్లాక్ బస్టర్ అందించింది.

మహేశ్ బాబు కెరీర్ ను మలుపుతిప్పిన చిత్రం 'శ్రీమంతుడు'. ఈ మూవీ బ్లాక్ బస్టర్ హిట్ అవ్వడమే కాదు, ఉత్తమ నటుడిగా ఎనిమిదో నంది అవార్డు తెచ్చిపెట్టింది.

మహేశ్ బాబును మరో మెట్టు ఎక్కించిన సినిమా 'భరత్ అనే నేను'. ఈ చిత్రం నుంచే అపజయం లేకుండా బ్యాక్ టూ బ్యాక్ హిట్లు కొడుతున్నారు మన సూపర్ స్టార్.