వైట్ డిశ్చార్జ్ ఎక్కువగా అవ్వడానికి కారణాలు ఇవే
వైట్ డిశ్చార్జ్ అనేది మహిళల్లో కామన్ పాయింటే. అయితే ఇది కొన్నిసార్లు వివిధ కారణాల వల్ల ఎక్కువగా అవుతుంటుంది. అవేంటో.. ఎలాంటి జాగ్రత్తలు తీసుకోవాలో, నిపుణుల సలహాలు ఏంటో చూసేద్దాం.
శరీరంలో జరిగే హార్మోనల్ మార్పుల వల్ల వైట్ డిశ్చార్జ్ జరుగుతుంది. పీరియడ్స్ సమయంలో, ప్రెగ్నెన్సీ, మోనోపాజ్ దశలో ఇది ఎక్కువగా అవుతుంది. దీనివల్ల ఇబ్బంది ఉండదు.
అండోత్సర్గం సమయంలో గర్భాశయ ముఖద్వారం ద్వారా వైట్ డిశ్చార్జ్ సహజంగా అవుతుది. దీనివల్ల ఎలాంటి ఇబ్బంది ఉండదు.
ఫంగల్ ఇన్ఫెక్షన్ వల్ల వైట్ డిశ్చార్జ్ అవుతుంది. తెల్లగా.. థిక్గా ఇది అవుతూ ఉంటుంది.
యోని ప్రాంతంలో బ్యాక్టీరియా ఎక్కువైనప్పుడు ఈ తరహా వైట్ డిశ్చార్జ్ అవుతుంది. ఇది చెడు వాసనను ఇస్తుంది.
పారాసైటిక్ ఇన్ఫెక్షన్స్, లైంగికంగా సంక్రమించే ఇన్ఫెక్షన్ల వల్ల కూడా వైట్ డిశ్చార్జ్ ఎక్కువగా అవుతుంది.
కొన్నిరకాల మందులు రెగ్యూలర్గా ఉపయోగించడం వల్ల కూడా వైట్ డిశ్చార్జ్ కావొచ్చు.
యోని ప్రాంతాన్ని శుభ్రంగా ఉంచుకోకపోవడం, బిగుతుగా ఉండే దుస్తులు వేసుకోవడం, ఒత్తిడి, ధూమపానం, షుగర్, డైయిరీ ప్రొడెక్ట్స్ ఎక్కువగా వాడడం వల్ల కూడా ఇది అవుతుంది.
వైట్ డిశ్చార్జ్ కామన్ కానీ.. కొన్ని లక్షణాలుంటే వైద్యుల సలహా తీసుకోవాలి. యోని ప్రాంతంలో మంట, దురద, వాసన, రంగులో మార్పు, నొప్పి, జ్వరం వంటి లక్షణాలుంటే వైద్యుల దగ్గరకు వెళ్లాలి.
యోని ప్రాంతాన్ని శుభ్రంగా ఉంచుకోవాలి. వదులుగా ఉండే దుస్తులు వేసుకోవాలి. వాసన వచ్చే ఉత్పత్తులు ఆ ప్రాంతంలో వాడకూడదు. హైడ్రేటెడ్గా ఉండాలి. బ్యాలెన్స్డ్ డైట్ తీసుకుంటూ రెగ్యూలర్గా వ్యాయామం చేయాలి.
ఇవి కేవలం అవగాహన కోసమే. నిపుణుల సలహా పాటిస్తే ఈ సమస్యను తగ్గించుకోవచ్చు. (Images Source : Envato)