బాబోయ్, వైరల్ ఫీవర్లు - లక్షణాలు, తీసుకోవల్సిన జాగ్రత్తలు ఇవే!

వర్షాలు వచ్చాయంటే.. వైరల్ ఫీవర్ల సీజన్ మొదలైనట్లే.

వైరల్ ఫీవర్ అంటువ్యాధి. ఇది చాలా సులభంగా ఇతరులకు సోకుతుంది. కాబట్టి, బాధితులకు దూరంగా ఉండాలి.

ఇతరుల నుంచి వచ్చే వైరస్.. వైరల్ ఇన్ఫెక్షన్‌గా మారడానికి 16 నుంచి 48 గంటలు పట్టవచ్చు.

తీవ్రమైన జ్వరం, తలనొప్పి, కళ్ల మంటలు, ఒళ్లు నొప్పులు, వికారం, వాంతులు దీని లక్షణాలు.

కొందరిలో ముక్కు దిబ్బడ, గొంతు మంట, డయేరియా, దగ్గు, దద్దుర్లు కూడా వస్తాయి.

వ్యాధి నిరోధక శక్తి తక్కువగా ఉండే పిల్లలు, వృద్ధులకు వైరల్ ఫీవర్‌‌లు సులభంగా సోకుతాయి.

వైరల్ ఫీవర్ ఉన్న వ్యక్తులు దగ్గిన, తుమ్మిన, ఆవలించినా, దగ్గరకు వచ్చి మాట్లాడినా వైరస్ సోకేస్తుంది.

వైరల్ ఫీవర్ వస్తే సొంత వైద్యం తీసుకోకూడదు. డాక్టర్‌ను సంప్రదించి బ్లడ్ టెస్టులు చేయించుకోవాలి.

ఎందుకంటే, ఆ ఫీవర్.. డెంగ్యూ, చికున్‌గున్యా, మలేరియా, టైఫాయిడ్‌ల వల్ల కూడా రావచ్చు.

వైరల్ ఫీవర్లు సోకకూడదంటే.. బయట ఫుడ్ తినకూడదు, తినే ముందు చేతులు శుభ్రం చేసుకోవాలి. కాచి, చల్లార్చిన నీళ్లే తాగాలి.