ప్రతిరోజు ఒకే సమయంలో నిద్రపోవడం, మేల్కొనడం అలవాటు చేసుకోవాలి. ఇది ఆరోగ్యకరమైన నిద్రను అందిస్తుంది. ఇది మైగ్రేన్ను దూరం చేస్తుంది.
వారంలో మూడు నుంచి ఐదు సార్లు.. రోజుకు 30 నుంచి 50 నిమిషాల పాటు మితమైన ఏరోబిక్ కార్యకలాపాలు లేదా వ్యాయామాలు చేయాల్సి ఉంటుంది. ఇది మైగ్రేన్ తీవ్రతను తగ్గిస్తుంది.
శరీరాన్ని స్ట్రెచ్ చేస్తూ ఉంటే మంచిది. అలాగే వాకింగ్, ఈత వంటివి విశ్రాంతిని అందిస్తాయి. ఇవి మీరు వ్యాయామం వైపు వెళ్లేందుకు హెల్ప్ చేస్తాయి.
భోజనం మానేయడం లేదా ఉపవాసం చేయడం వల్ల మైగ్రేన్లు వస్తాయి. అందువల్ల తరచుగా తక్కువ మోతాదులో తీసుకుంటూ ఉండాలి. ఫైబర్, హెల్తీ ఫ్యాట్స్ ఉండేలా చూసుకోవాలి.
మైగ్రేన్ల సమయంలో నీటిని కచ్చితంగా తీసుకోవాలి. నీటిని తాగకపోతే డీహైడ్రేషన్ సమస్యలు వస్తాయి. అవి మైగ్రేన్ ఇబ్బందులను పెంచుతాయి.
కెఫిన్ అధికంగా తీసుకుంటే.. మైగ్రేన్లు ప్రేరేపిస్తుంది. కెఫిన్ మానేస్తే కొందరికి మైగ్రేన్ వస్తుంది. కాబట్టి అలాంటివారు మితంగా తీసుకుంటే మంచిది. నిద్రకు ముందు తీసుకోకూడదు.
ధూమపానం, మద్యం మానేస్తే మంచిది. ఎందుకంటే ఇవి మైగ్రేన్ ఎఫెక్ట్ పెంచుతాయి. కాబట్టి వాటిని తగ్గించడం లేదా పూర్తిగా మానడం మంచి ఫలితాలు ఇస్తాయి.
ఒత్తిడిని దూరం చేసి.. విశ్రాంతినిచ్చే వ్యాయామాలు చేయాలి. ధ్యానం, మెడిటేషన్ వంటివి చేస్తే మైగ్రేన్ను తగ్గిస్తాయి.
ఆహారం, వ్యాయామం, నిద్రతో బరువును కంట్రోల్ చేసుకోవాలి. దీనివల్ల మైగ్రేన్ ఫ్రీకెన్సీ తగ్గుతుంది.