ఉసిరికాయలతో జామ్.. టేస్టీ రెసిపీ ఇదే

ఉసిరికాయ విటమిన్ సి కి మంచి ఆధారం. ఇది తినడానికి చాలా రుచికరమైనది. ఆరోగ్యానికి ఉపయోగకరమైనది.

ఆమ్లాను సలాడ్, కూరగాయలు లేదా చట్నీ రూపంలో తింటారు. కానీ టేస్టీగా తినాలనుకుంటే జామ్ రూపంలో తీసుకోవచ్చు.

ఉసిరి జామ్​ను ఇంట్లోనే సులభంగా తయారు చేసుకోవచ్చు. ఇది అంత సులభంగా పాడవ్వదు.

మరి ఇంట్లో ఈ టేస్టీ ఉసిరికాయ జామ్ ఎలా చేసుకోవాలో చూసేద్దాం.

ఒక కిలో ఫ్రెష్ ఉసిరికాయలను తీసుకుని కడిగి.. పూర్తిగా ఆరబెట్టి.. ఫోర్క్​తో చిల్లులు పెట్టండి.

ఇప్పుడు పెద్ద పాత్రలో నీటిని వేడి చేసి.. ఉసిరికాయలను వేసి.. అవి మెత్తబడే వరకు 10 నుంచి 15 నిమిషాల వరకు ఉడికించాలి.

పాకం కోసం ఒక మందపాటి అడుగున గల పాత్రలో 1 కిలో చక్కెర, 1 నుంచి 2 కప్పుల నీరు వేసి చక్కెర కరిగే వరకు వేడి చేయండి.

చక్కెర కరిగిన తరువాత ఉడికించిన ఉసిరికాయలను వేసి.. చిన్న మంట మీద 30 నుంచి 40 నిమిషాల వరకు బాగా ఉడికించాలి.

ఉసిరి రంగు పూర్తిగా మారి.. పాకం తేనెలా చిక్కబడే వరకు ఉడికించాలి. చల్లారిన తర్వాత గాజు సీసాలో నిల్వ చేసుకుని వాడుకోవడమే .