బంగాళదుంపలు పాడవకూడదంటే ఈ టిప్స్ ఫాలో అవ్వండి

బంగాళాదుంపలు చౌకగా దొరుకుతాయి. కానీ కొన్ని రోజుల తర్వాత కుళ్ళిపోవడం ప్రారంభిస్తాయి. సరిగ్గా ఉంచకపోతే వాటి నుంచి వాసన కూడా రావచ్చు.

అధిక తేమ, గాలి బాగా తగలని ప్రదేశంలో ఉంచితే ఆలు పాడైపోతాయి.

అలా కాకూడదంటే.. ఆలూలను కడిగి స్టోర్ చేయవద్దు. కడగడం వల్ల బంగాళాదుంపల్లో నీరు ఉండిపోతుంది. దీనివల్ల అవి త్వరగా కుళ్ళిపోతాయి.

తేమ ఉండటం వల్ల ఫంగస్ వచ్చే ప్రమాదం కూడా పెరుగుతుంది. బంగాళాదుంపలకు మట్టి అంటుకుంటే.. వాటిని పొడి గుడ్డ లేదా బ్రష్తో శుభ్రం చేయండి.

చాలా మంది ప్రజలు బంగాళాదుంపలను ఉల్లిపాయల బుట్టలో ఉంచుతారు. అలా చేస్తే త్వరగా కుళ్లిపోతాయి. మొలకెత్తడం ప్రారంభిస్తాయి.

కాబట్టి ఉల్లిపాయలు, బంగాళాదుంపలను వేర్వేరు బుట్టలలో లేదా సంచులలో కొంచెం దూరం ఉంచి నిల్వ చేయండి.

ఆలూను బ్యాగులో ఉంచాలనుకుంటే గాలి ప్రసరించే బ్యాగును వాడండి.

గాలి తగలకపోతే బంగాళాదుంపలు కుళ్ళిపోతాయి. అందువల్ల గాలి బాగా తగిలే ప్రదేశంలో ఉంచండి.

ఆలుగడ్డలను ఎప్పుడూ ఎండలో ఉంచవద్దు. ఎండ తగలడం వల్ల అవి ఆకుపచ్చగా మారతాయి. సోలనిన్ అనే మూలకం ఆరోగ్యానికి హానికరంగా మారుతుంది.

ఫ్రిజ్‌లో ఉంచడం వల్ల బంగాళాదుంపల రుచి కూడా మారుతుంది. వంట చేసినప్పుడు అవి తీపిగా అనిపిస్తాయి. అందువల్ల బంగాళాదుంపలను పొడి, చల్లని ప్రదేశంలో ఉంచండి.