బాడీ లోషన్ని ముఖానికి అప్లై చేస్తున్నారా?
బాడీ లోషన్.. పేరులోనే ఈ లోషన్ బాడీకి అని రాసి ఉంది. ఈ విషయం గుర్తించక కొందరు దీనిని ముఖానికి కూడా వాడేస్తుంటారు. వీటిని వాడడం వల్ల కొన్ని సైడ్ ఎఫెక్ట్స్ ఉంటాయట.
బాడీ లోషన్ని ముఖానికి అప్లై చేస్తే ముఖంపై ఆయిలినెస్ పెరుగుతుంది. ముఖ్యంగా ఆయిలీస్కిన్ ఉన్నవాళ్లకి ఇది మరీ ఇబ్బందులు కలిగిస్తుంది.
ముక్కుపై బ్లాక్ హెడ్స్ని బాడీలోషన్ పెంచుతుంది. ముఖంపై ఆయిల్ ఉంటే పింపుల్స్ సమస్య కూడా ఎక్కువ అవుతుంది.
ముఖంపై స్కిన్ సెన్సిటివ్గా ఉంటుంది. బాడీ లోషన్ ఉపయోగిస్తే ముఖంపై ఎరుపుదనం, ఇరిటేషన్ని పెరుగుతుంది. దురద కూడా రావొచ్చు.
మిమ్మల్ని పింపుల్స్ సమస్య వేధిస్తుందంటే.. బాడీలోషన్ని ఎట్టిపరిస్థితుల్లోనూ ఉపయోగించకూడదు. దీనివల్ల పింపుల్స్ మరింత ఎక్కువ అవుతాయి.
ముఖంపై బాడీలోషన్ అప్లై చేస్తే డల్నెస్ పెరుగుతుంది. సహజమైన మెరుపు తగ్గి మీరు డల్గా కనిపిస్తారు.
ముఖంపై pH బ్యాలెన్స్ మారిపోతుంది. దీనివల్ల ముఖం మరింత డల్గా కనిపిస్తుంది. వైట్ ప్యాచ్లు వచ్చే అవకాశముంది.
ఇప్పటివరకు బాడీలోషన్ అప్లై చేసి ఉంటే.. మీరు ముఖానికి ముల్తాని మట్టీతో ప్యాక్ వేసుకోవాలి. దీనివల్ల మీ గ్లో తిరిగి వస్తుంది.
కొత్త ప్రొడెక్ట్స్ ముఖంపై ఉపయోగించేప్పుడు ప్యాచ్ టెస్ట్ వేసుకోండి దీనివల్ల ఇబ్బందులు ఉండవు.
ఇవి కేవలం అవగాహన కోసమే. నిపుణుల సలహాలు పాటిస్తే మంచి ఫలితాలుంటాయి.