మీకు తెలుసా? స్నేహంతో ఆయుష్సు పెరుగుతుందట.. ఇదిగో ఇలా

ఏటా ఆగస్టు మొదటి ఆదివారాన్ని ‘ఫ్రెండ్‌షిప్ డే’గా సెలబ్రేట్ చేసుకుంటారనే సంగతి తెలిసిందే.

ఫ్రెండ్‌షిప్ డే రోజు విషెస్ చెప్పుకోవడం తిరగడం సర్వసాధారణమే. కానీ, మిగతా రోజులు?

ఈ రోజుల్లో బీజీ లైఫ్ వల్ల స్నేహితులతో సరదాగా గడిపేందుకు అస్సలు టైమ్ సరిపోవడం లేదు.

మీరు నిత్యం స్నేహితులతో టైమ్ స్పెండ్ చేస్తున్నట్లయితే చాలా లక్కీ.

ఎందుకంటే.. స్నేహితుల వల్ల మన ఆయుష్సు పెరుగుతుందట. అనారోగ్యాలు కూడా దరిచేరవట.

ఔనండి నిజం.. ఇటీవల ఓ అధ్యయనంలో ఈ విషయాన్ని వెల్లడించారు.

ఫ్యామిలీతో కలిసి ఉండటం కంటే.. స్నేహితులతో ఉంటేనే ఎక్కువ కాలం హ్యపీగా జీవితాన్ని గడుపుతారట.

2005లో ఆస్ట్రేలియన్ లాంగిట్యూడినల్ స్టడీ ఆఫ్ ఏజింగ్‌ నిర్వహించిన అధ్యయనంలో ఈ విషయం తేలింది.

తక్కువ మంది స్నేహితులు ఉన్నవారితో పోల్చితే.. ఎక్కువ ఫ్రెండ్స్ ఉన్నవారు 22 శాతం కంటే ఎక్కువ కాలం జీవించారట.

అంటే మీకు ఒకరు లేదా ఇద్దరు స్నేహితులు ఉంటే సరిపోరు. ఎంత ఎక్కువ మంది స్నేహితులుంటే అన్ని బెనిఫిట్స్.

దీనికి అనేక కారణాలు ఉన్నాయట. ఒత్తిడి లేకపోవడం, తమకు స్నేహితులున్నారన్న ధైర్యం.. ఆయుష్షును పెంచుతున్నాయట.