బాదం హల్వా అంటే ఇష్టమా? టేస్టీ రెసిపీ ఇదే

బాదం హల్వాను పిల్లల నుంచి పెద్దల వరకు అందరూ ఇష్టంగా తింటారు.

మరి దీనిని ఇంట్లో ఎలా సింపుల్గా, టేస్టీగా చేయాలో ఇప్పుడు చూసేద్దాం.

ఒక కప్పు బాదంను 4-5 గంటలు లేదా రాత్రంతా నీటిలో నానబెట్టండి. తరువాత తొక్క తీయండి.

బాదంను కొద్దిగా పాలతో మిక్సీలో బరకగా గ్రైండ్ చేయండి.

పాన్ లో అర కప్పు నెయ్యి వేసి.. వేడి అయ్యాక బాదం పేస్ట్ వేసి తక్కువ మంట మీద బంగారు రంగు వచ్చే వరకు ఉడికించుకోవాలి.

ఇందులో 1 కప్పు పాలు, కుంకుమపువ్వు వేసి చిక్కగా అయ్యేవరకు ఉడికించండి.

ఇప్పుడు రుచికి సరిపడా చక్కెర వేసి, మిశ్రమం గిన్నెను వదిలే వరకు బాగా కలపండి.

చివరగా యాలకుల పొడిని కలపండి. పైన కొంచెం నెయ్యి వేయండి.

సన్నగా తరిగిన పిస్తాతో అలంకరించి వేడిగా వడ్డిస్తే.. టేస్టీ బాదం హల్వా రెడీ.