కాళ్ల నొప్పులను తగ్గించే ఇంటి చిట్కాలివే

ఈరోజుల్లో చాలా మంది రాత్రి నిద్రపోయేటప్పుడు కాళ్లలో తిమ్మిరి లేదా తీవ్రమైన నొప్పితో ఇబ్బంది పడతారు.

మీరు కూడా ఈ సమస్యతో బాధపడుతుంటే.. కొన్ని సాధారణ ఇంటి చిట్కాలు ట్రై చేయవచ్చు.

శరీరంలో నీరు తగ్గడం, కాల్షియం, పొటాషియం లేదా విటమిన్-డి లోపం, ఎక్కువసేపు నిలబడటం, కూర్చోవడం వల్ల కాళ్ల నొప్పులు వస్తాయి.

గోరువెచ్చని నీటిలో ఉప్పు వేసి.. రాత్రి పడుకునే ముందు దానిలో 10-15 నిమిషాలు కాళ్లు ఉంచితే మంచిది.

ఇది కండరాల వాపును తగ్గించడంలో, నొప్పి నుంచి తక్షణ ఉపశమనం కలిగించడంలో సహాయపడుతుంది.

మసాజ్ - కాస్త వేడి చేసిన ఆవాల నూనె లేదా ఆలివ్ నూనెతో కాళ్ళకు మసాజ్ చేయండి.

దీనివల్ల రక్త ప్రసరణ పెరుగుతుంది. కండరాలకు ఉపశమనం లభిస్తుంది.

శరీరాన్ని హైడ్రేట్ గా ఉంచుకోండి. శరీరంలో నీటి కొరత కారణంగా కూడా నరాలు లాగడం సమస్య వస్తుంది. అందువల్ల రోజంతా పుష్కలంగా నీరు తాగండి.

మీ ఆహారంలో అరటిపండ్లు, పాలు, పెరుగు, ఆకుకూరలు చేర్చుకోండి.

ఈ శరీరంలో అవసరమైన మినరల్స్ లోపాన్ని ఇది భర్తీ చేస్తుంది. దీనివల్ల కాళ్ల తిమ్మిరి తగ్గుతుంది.