మెడ చుట్టు నల్లగా ఉంటుందా? ఈ టిప్స్తో వదిలించుకోండి
కాలుష్యం వల్లనో.. శ్రద్ధ పెట్టకపోవడం వల్లనో.. హెల్త్ విషయాల వల్లనో చాలామందికి మెడదగ్గర నల్లగా అయిపోతుంది. దీనిని కొన్ని సింపుల్ చిట్కాలతో వదిలించుకోవచ్చు తెలుసా?
నిమ్మరసంలో పంచదారను కలిపి.. మెడపై మృదువుగా స్క్రబ్ చేయాలి. రెండు నుంచి మూడు నిమిషాలు స్క్రబ్ చేసి.. గోరు వెచ్చని నీటితో శుభ్రం చేసుకోవచ్చు.
యోగర్ట్లో పసుపు కలిపి మెడకు ప్యాక్గా వేసుకోవాలి. దీనిని 20 నిమిషాలు ఉంచి.. గోరువెచ్చని నీటితో శుభ్రం చేసుకోవాలి.
కీరదోస జ్యూస్ను మెడపై నల్లగా ఉన్న ప్రాంతంలో కాటన్ దూదితో అప్లై చేయాలి. దీనిని 20 నిమిషాలు ఉంచి క్లీన్ చేసుకోవాలి.
కొబ్బరి నూనెలో నిమ్మరసం కలిపి బాగా మిక్స్ చేయాలి. దానిని మెడపై రాత్రి పడుకునే ముందు అప్లై చేయాలి. నిద్రలేచిన తర్వాత ఉదయాన్నే దాన్ని క్లీన్ చేసుకోవాలి.
ఓట్మీల్లో తేనెను కలిపి ముఖానికి, మెడకు కూడా అప్లై చేయాలి. దీనిని పావుగంట అలాగే ఉంచాలి. ఇది స్క్రబ్ వలె నలుపుదనాన్ని పోగొట్టి.. మృదువైన, గ్లోయింగ్ స్కిన్ ఇస్తుంది.
బేకింగ్ సోడాలో నీరు వేసి కలిపి పేస్ట్లా తయారు చేసుకోవాలి. దీనిని మెడకు అప్లై చేసి 5 నిమిషాల తర్వాత నీటితో శుభ్రం చేసుకోవాలి.
అరటిపండు గుజ్జులో తేనెను కలిపి మెడభాగంపై అప్లై చేయాలి. దీనిని 20 నిమిషాలు ఉంచి వాష్ చేస్తే మంచి ఫలితాలుంటాయి. ముఖంపై అప్లై చేసినా మంచిదే.
అలోవెరా జెల్, టోమోట్ జ్యూస్లను కూడా అప్లై చేయడం వల్ల మంచి ఫలితాలుంటాయి. వీటిని రెగ్యూలర్గా ఫాలో అయితే మంచి ఫలితాలుంటాయి.
ఇవి కేవలం అవగాహన కోసమే. నిపుణులు సూచనలు ఫాలో అయితే మరిన్ని మంచి ఫలితాలుంటాయి.