కన్నడ బ్యూటీ శ్రీనిధి శెట్టి టాలీవుడ్ లో ఎంట్రీ ఇవ్వడానికి రెడీ అయింది.

'తెలుసు కదా' అనే సినిమాలో సిద్దు జొన్నలగడ్డ సరసన హీరోయిన్ గా నటిస్తోంది.

ఇందులో శ్రీనిధితో పాటుగా బబ్లీ బ్యూటీ రాశీ ఖన్నా మరో కథానాయికగా కనిపించనుంది.

కాస్ట్యూమ్ డిజైనర్ నీరజ కోన డైరెక్టర్ గా పరిచయం అవుతున్న ఈ చిత్రాన్ని ఇటీవలే ప్రారంభించారు.

'తెలుసు కదా' మూవీ ఓపెనింగ్ కు సంబంధించిన ఫొటోలను శ్రీనిధి సోషల్ మీడియాలో పంచుకుంది.

'అందమైన కొత్త ప్రారంభాలకు' అంటూ అమ్మడు షేర్ చేసిన ఫోటోలు నెట్టింట సందడి చేస్తున్నాయి.

'KGF చాప్టర్-1' తో హీరోయిన్ గా పరిచయమైన శ్రీనిధి.. డెబ్యూ మూవీతోనే బ్లాక్ బస్టర్ రుచి చూసింది.

'KGF చాప్టర్-2' తో సంచలన విజయం సాధించి, పాన్ ఇండియా స్థాయిలో గుర్తింపు తెచ్చుకుంది.

విక్రమ్ తో కలిసి తమిళ్ లో నటించిన 'కోబ్రా' సినిమా బాక్సాఫీస్ వద్ద డిజాస్టర్ గా మారింది.

రెండేళ్ల గ్యాప్ తర్వాత ఇప్పుడు 'తెలుసు కదా' సినిమాతో ప్రేక్షకుల ముందుకు రాబోతోంది శ్రీనిధి.