ఐసీసీ వరల్డ్ కప్ 2023 హడావుడి ముగియగానే ఐపీఎల్ 2024 సన్నాహాలు ప్రారంభం కానున్నాయి.

ఐపీఎల్ 2024 వేలం డిసెంబర్ 19వ తేదీన జరగనుంది.

ఫ్రాంచైజీలు తాము రిటైన్ చేసుకున్న ఆటగాళ్ల జాబితాను నవంబర్ 15వ తేదీలోపు ఇవ్వాల్సి ఉంటుంది.

ఆ తర్వాత వేలానికి రంగం సిద్ధం అవుతుంది.

ఈ వేలం దుబాయ్‌లో జరగనుందని వార్తలు వస్తున్నాయి.

ఒకవేళ అదే జరిగితే విదేశాల్లో ఐపీఎల్ వేలం జరగడం అదే మొదటిసారి అవుతుంది.

గతేడాది ఇస్తాంబుల్‌లో వేలం నిర్వహించడానికి బీసీసీఐ సన్నాహాలు చేసింది.

కానీ చివరికి కొచ్చిలోనే నిర్వహించారు.

అన్ని జట్లకు పర్సు విలువ రూ.100 కోట్లకు పెంచారు. ఇది గతేడాది కంటే రూ.5 కోట్లు ఎక్కువ.

మహిళల ప్రీమియర్ లీగ్ వేలం కూడా డిసెంబర్ మొదటి వారంలో జరగనుంది.