ఇన్‌స్టెంట్‌గా అటుకుల గారెలు

అటుకులు - ఒక కప్పు పెరుగు - పావు కప్పు ఉల్లిపాయ - ఒకటి పచ్చి మిర్చి - రెండు కరివేపాకులు - గుప్పెడు

బియ్యప్పిండి - రెండు స్పూన్లు కొత్తిమీర తరుగు- రెండు స్పూన్తు అల్లం పేస్టు - అర స్పూను నూనె - వేయించడానికి సరిపడా ఉప్పు - రుచికి సరిపడా

ఒక గిన్నెలో అటుకులు, నీళ్లు పోసి నానబెట్టాలి. అవి నానాక నీళ్లు ఒంపేసి, అటుకులను ముద్దలా మెదుపుకోవాలి.

ఆ గిన్నెలోనే పెరుగు, ఉప్పు, పచ్చిమిర్చి, కరివేపాకులు సన్నగా తరిగి కలుపుకోవాలి.

తరువాత ఆ మిశ్రమంలో అల్లం పేస్టు, కొత్తిమీర తరుగు, బియ్యప్పిండి వేసి బాగా కలపాలి.

మిశ్రమం గారెల్లా వేసుకోవడానికి వీలుగా వచ్చేలా కలుపుకోవాలి.

కళాయిలో నూనె వేడెక్కాక గారెల్లా ఒత్తుకుని డీప్ ఫ్రై చేసుకోవాలి.

వీటిని కొబ్బరి చట్నీతో తింటే చాలా రుచిగా ఉంటాయి.