మహిళల టీ20 ప్రపంచకప్‌ సెమీస్‌లో భారత్‌ను ఆస్ట్రేలియా ఓడించింది.

చివరి బంతి వరకు పోరాడినప్పటికీ టీమిండియా విజయానికి ఐదు పరుగుల దూరంలో ఆగిపోయింది.

మొదట బ్యాటింగ్ చేసిన ఆస్ట్రేలియా 20 ఓవర్లలో నాలుగు వికెట్ల నష్టానికి 172 పరుగులు చేసింది.

అనంతరం భారత్ 20 ఓవర్లలో ఎనిమిది వికెట్లు నష్టపోయి 167 పరుగులకే పరిమితం అయింది.

దీంతో డిఫెండింగ్ ఛాంపియన్ ఆస్ట్రేలియా మరోసారి టీ20 ప్రపంచకప్ ఫైనల్లోకి దూసుకెళ్లింది.

భారత బ్యాటర్లలో కెప్టెన్ హర్మన్ ప్రీత్ కౌర్ (52) టాప్ స్కోరర్‌గా నిలిచింది.

జెమీమా రోడ్రిగ్స్ (43) కీలక ఇన్నింగ్స్ ఆడింది.

హర్మన్ ప్రీత్ కౌర్ అనుకోని విధంగా రనౌట్ కావడం టీమిండియా కొంప ముంచింది.

అంతకు ముందు ఆస్ట్రేలియా బ్యాటర్లలో బెత్ మూనీ (54) అర్థ సెంచరీ సాధించింది.

తనకు కెప్టెన్ మెగ్ లానింగ్ (49 నాటౌట్) చక్కటి సహకారం అందించింది.