ఇండియా గేట్‌ ని మొదట ఆల్ ఇండియా వార్ మెమోరియల్ అని పిలిచేవారు.

మొదటి ప్రపంచ యుద్ధం, మూడవ ఆంగ్లో-ఆఫ్ఘన్ యుద్ధంలో మరణించిన దాదాపు 82,000 మంది భారతీయ సైనికుల జ్ఞాపకార్థం దీనిని నిర్మించారు.

ప్రఖ్యాత బ్రిటిష్ వాస్తుశిల్పి సర్ ఎడ్విన్ ల్యూటెన్స్ రూపొందించారు. ఈయననే న్యూఢిల్లీ నగర రూపకర్తగా కూడా పిలుస్తారు.

ఇండియా గేట్ పారిస్‌లోని 'ఆర్క్ డి ట్రయంఫ్' నిర్మాణ శైలిని పోలి ఉంటుంది. దీని ఎత్తు సుమారు 42 మీటర్లు.

గోడల మీద యుద్ధంలో అమరులైన సుమారు 13,218 మంది సైనికుల పేర్లు చెక్కారు.

1972లో ఇక్కడ ‘అమర్ జవాన్ జ్యోతి’ని ఏర్పాటు చేశారు. ఇది నిరంతరం వెలుగుతూనే ఉంటుంది.

ఇండియా గేట్ కర్తవ్యపథ్ తూర్పు చివరన ఉంది. ఇది దేశ రాజధానిలో అత్యంత కీలకమైన ప్రాంతం.

దీని నిర్మాణానికి రాజస్థాన్‌లోని భరత్‌పూర్ నుంచి తెచ్చిన ఎరుపు, పసుపు ఇసుక రాళ్లను ఉపయోగించారు.

ఇండియా గేట్ కేవలం యుద్ధ స్మారక చిహ్నమే కాదు, జాతీయ గర్వానికి చిహ్నంగా నిలిచింది

స్వాతంత్ర్యం తరువాత ఇదే స్మారకం 'ఇండియా గేట్' రూపంలో స్వతంత్ర భారతదేశానికి గుర్తింపుగా మారింది

ఇండియా గేట్ నామకరణం వెనుక ఉన్న కథ ఇది.