మేషం ఈ రోజు మీరు అప్రమత్తంగా ఉండవలసిన రోజు. మీ కుటుంబంలో కొన్ని ముఖ్యమైన నిర్ణయం తీసుకోవలసి ఉంటుంది. ప్రతికూల పరిస్థితుల్లో కోపంతో నిర్ణయం తీసుకుంటే..ఆ తర్వాత పశ్చాత్తాపపడతారు. డబ్బుతో చాలా జాగ్రత్తగా వ్యవహరించండి.
వృషభం ఈ రోజు మీకు సాధారణంగా ఉంటుంది. కొత్తగా తలపెట్టిన పని పూర్తి చేయడం ద్వారా పూర్తి విశ్వాసంతో ఉంటారు. ఉద్యోగులు, వ్యాపారులకు మంచి రోజు. కుటుంబంలో ఎవరికైనా వివాహానికి వస్తున్న అడ్డంకులు తొలగిపోయి వివాహ ప్రతిపాదనలు ముందుకుసాగుతాయి.
మిథునం ఈ రోజు మీపై కొంత ఒత్తిడిగా ఉంటుంది. మీ తెలివితేటలను ఉపయోగించడం ద్వారా అన్ని సమస్యలనుంచి బయటపడతారు. మీలో మీరు ఆలోచించి నిర్ణయం తీసుకోండి. కష్టపడి పని చేయడం ద్వారా కార్యాలయంలో మంచి ప్రశంసలు పొందుతారు.
కర్కాటకం ఈ రోజు మీ కెరీర్లో ఎదురైన సమస్యల నుంచి బయటపడతారు. కొన్నాళ్లుగా వెంటాడుతున్న సమస్యల నుంచి బయటపడతారు. మీ ఆర్థిక స్థితి బలంగా ఉంటుంది..వ్యాపారంలో లాభాలు పొందుతారు. మీరు కొత్త వస్తువును కొనుగోలు చేస్తే జాగ్రత్త పడండి.
సింహం ఈ రోజు మీకు ప్రత్యేకంగా ఉంటుంది. ఆర్థిక పరిస్థితి బావుంటుంది. ఉద్యోగులకు మంచి రోజు. స్నేహితులు లేదా పరిచయస్తులను సడెన్ గా కలుస్తారు. విద్యార్థులు పరీక్షల్లో విజయం సాధిస్తారు. మీరు సృజనాత్మక పనిలో బాగా రాణిస్తారు.
కన్య ఈ రోజు మీకు ఫలవంతంగా ఉంటుంది. శుభకార్యాల్లో పాల్గొంటారు. ఉద్యోగులు మీ పనితీరుతో ఉన్నతాధికారులను మెప్పిస్తారు. వ్యాపారం బాగాసాగుతుంది. మీ మాటతీరుతో అందర్నీ మెప్పిస్తారు.
తుల ఈ రోజు మీ గౌరవం , ప్రతిష్ట పెరుగుతుంది. కుటుంబంలో ఒకరి భవిష్యత్ కి సంబంధించి నిర్ణయం తీసుకునేముందు వారిపై మీ అభిప్రాయాలు రుద్దకండి. వారి మాటలు పరిగణలోకి తీసుకోండి. వ్యాపార కార్యకలాపాలు బలహీనంగా ఉంటాయి.
వృశ్చికం ఈ రోజు మీరు మీ పని గురించి కొంచెం ఆందోళన చెందుతారు. వ్యాపారంలో లాభాల కారణంగా మనస్సు సంతోషంగా ఉంటుంది. మీరు డబ్బును కూడబెట్టుకోవడంలో కూడా విజయం సాధిస్తారు. గతంలో పెట్టిన పెట్టుబడుల వల్ల ప్రయోజనం పొందుతారు.
ధనుస్సు ఈ రోజు మీరు మీ తల్లిదండ్రుల సేవలో ఉంటారు. ఆధ్యాత్మిక కార్యక్రమాల్లో పాల్గొంటారు. మీరు మీ పని కంటే ఆధ్యాత్మిక వ్యవహారాలపై ఎక్కువ శ్రద్ధ చూపిస్తారు. ఏదైనా కొత్త పనిని ప్రారంభించే ముందు మీరు కుటుంబ సభ్యులను సంప్రదించండి.
మకరం ఈ రోజంతా మీరు చిరాగ్గా ఉంటారు. కుటుంబ సభ్యులతో గొడవల కారణంగా కలత చెందుతారు. ఎక్కువ సమయం ఇంటికి దూరంగా ఉండి పనిచేస్తారు. తల్లితరపు నుంచి ప్రయోజనం పొందుతారు. మీ మాటతీరుతో అందర్నీ ఆకట్టుకుంటారు.
కుంభం ఈ రోజు మీ కుటుంబ వాతావరణం ఆహ్లాదకరంగా ఉంటుంది. వ్యాపారం చేసే వ్యక్తులు సాధారణ లాభం పొందుతారు. మీరు కొంతమంది ప్రభావవంతమైన వ్యక్తులను సంప్రదిస్తారు. వారి నుంచి సహాయం పొందుతారు. పెట్టుబడులు పెట్టొద్దు.
మీనం మీన రాశి వారు ఈ రోజు సంతోషంగా ఉంటారు. వ్యాపారులు ఎదుర్కొంటున్న సమస్యలు ఈ రోజు పరిష్కారం అవుతాయి. విద్యార్ధులు ఆశించిన ఫలితాలు పొందుతారు. మీరు మీ స్నేహితులకు చేసిన వాగ్దానాన్ని నెరవేరుస్తారు. స్థిరాస్తిని కొనుగోలు చేసే అవకాశం ఉంది.