కింగ్ అక్కినేని నాగార్జున పుట్టిన రోజు నేడు. ఈ సందర్భంగా ఆయన గురించి కొన్ని ఆసక్తికరమైన విషయాలు తెలుసుకుందాం. 1986లో బాలనటుడిగా తెరంగేట్రం చేసిన నాగ్.. 37 ఏళ్ళ సినీ కెరీర్ లో ఎన్నో మైలురాళ్ళు అధిగమించి 'టాలీవుడ్ గేమ్ ఛేంజర్' అయ్యారు. స్టార్ హీరోగా రాణిస్తున్న సమయంలోనే విభిన్నమైన స్క్రిప్ట్‌లతో ఎన్నో ప్రయోగాలు చేసి 'సెల్యులాయిడ్ సైంటిస్ట్' అనిపించుకున్నారు. 'శివ' సినిమాతో టాలీవుడ్ ట్రెండ్ సెట్టర్ గా నిలిచిన కింగ్.. 'మజ్ను' ‘గీతాంజలి’ వంటి చిత్రాలతో ప్రేక్షకుల హృదయాలను బరువెక్కించారు. ఓవైపు కమర్షియల్‌ హీరోగా రాణిస్తూనే, 'అన్నమ్మయ్య' 'శ్రీరామదాసు' 'శిరిడి సాయి' లాంటి ఆధ్యాత్మిక సినిమాల్లో నటించడం ఆయనకే చెల్లింది. 'నిన్నే పెళ్లాడతా' తర్వాత ‘అన్నమయ్య’ మూవీ చేసి హిట్టు కొట్టడం.. ‘సూపర్’ తర్వాత ‘శ్రీరామదాసు’గా మెప్పించడం ఆయనకు మాత్రమే సాధ్యం. 'సూపర్' లో లాంగ్ హెయిర్ స్టైల్ తో ట్రెండ్ సెట్ చేసిన కింగ్.. 53 ఏళ్ళ వయసులో 'ఢమరుకం' లో 6 ప్యాక్ బాడీతో కనిపించి అందరినీ ఆశ్చర్యపరిచారు. 'మనం' సినిమాతో తండ్రీ కొడుకులతో ఒకేసారి కలిసి నటించిన ఏకైక తెలుగు హీరోగా నాగార్జున రికార్డులకెక్కారు. న్యూ టాలెంట్ ను ప్రోత్సహించడంలో నాగ్ ఎప్పుడూ ముందుంటారు. 43 మంది దర్శకులను, 100 మందికి పైగా టెక్నిషియన్స్ ను ఇండస్ట్రీకి పరిచయం చేసారు. హీరోగా, నిర్మాతగా నాగార్జున 9 ‘నంది’ అవార్డులు అందుకున్నారు.. 3 ఫిలిం ఫేర్ అవార్డులతో పాటుగా రెండు జాతీయ చలన చిత్ర అవార్డులు పొందారు. ‘అన్నమయ్య’కు గాను బెస్ట్ యాక్టర్ గా స్పెషల్‌ మెన్షన్‌ కేటగిరీలో నేషనల్ అవార్డ్ సొంతం చేసుకొని, ఈ ఘనత సాధించిన తొలి టాలీవుడ్ హీరోగా నాగ్ నిలిచారు. 'సౌత్ ఇండియన్ సుప్రీమో' అని పిలవబడే ఏకైక దక్షిణాది నటుడు అక్కినేని నాగార్జున.