తేజ సజ్జ, ప్రశాంత్ వర్మల ‘హనుమాన్’ భారీ వసూళ్లతో సంక్రాంతి విన్నర్‌గా నిలిచింది.

విడుదల అయిన 25 రోజుల్లోనే ఈ సినిమా రూ.300 కోట్ల క్లబ్‌లో చేరింది.

అయితే ఇప్పటికీ ‘హనుమాన్’ రన్ ఇంకా పూర్తి కాలేదు.

28వ రోజు కూడా ఈ సినిమా మంచి వసూళ్లు సాధించింది.

ప్రపంచవ్యాప్తంగా రూ.60 లక్షల గ్రాస్‌ను సినిమా 28వ రోజు అందుకోవడం విశేషం.

ఇందులో డిస్ట్రిబ్యూటర్ షేర్ రూ.30 లక్షల వరకు ఉంటుంది.

తెలుగు సినిమా చరిత్రలో ‘బాహుబలి’ సిరీస్, ‘ఆర్ఆర్ఆర్’ తర్వాత అత్యధిక లాభాలు దీనికే దక్కాయి.

ఈ సినిమా బిజినెస్ రూ.29.65 కోట్లు కాగా, రూ.155 కోట్ల వరకు షేర్‌ను సాధించింది.

అంటే రూ.125 కోట్లకు పైగా లాభాలన్న మాట.