ఇంట్లో ఉన్నప్పుడు సిగ్నల్ రాకపోతే కిటికీ దగ్గరకు వెళ్లండి. గోడలు సిగ్నల్స్ బ్లాక్ చేస్తాయి. ఎక్కువ మంది జనాల మధ్యలో ఉన్నప్పుడు సిగ్నల్ రాకపోతే కొంచెం స్పేస్ ఉన్న చోటికి వెళ్లండి. కింది ఫ్లోర్లలో ఉన్నప్పుడు సిగ్నల్స్ రాకపోతే పై ఫ్లోర్లకు వెళ్లండి. సెల్యులార్ సిగ్నల్ అందుకోవడానికి మీ ఫోన్‌కు ఛార్జింగ్ అవసరం. కాబట్టి ఛార్జింగ్ ఉండేలా చూసుకోండి. మీ ఫోన్‌లో ఉపయోగించని యాప్స్‌ను క్లోజ్ చేయండి. సిగ్నల్ రీబూట్ చేయండి. (నెట్ ఆఫ్ చేసి ఐదు సెకన్ల తర్వాత ఆన్ చేయండి.) వైఫై అందుబాటులో ఉంటే, వైఫై కాలింగ్ ట్రై చేయండి. కొన్ని యాప్స్ మీ ప్రాంతంలో టవర్ ఏవైపు ఉందో చూపిస్తాయి. వాటి ద్వారా కూడా సిగ్నల్ ఇంప్రూవ్ చేసుకోవచ్చు. ఫోన్ పైభాగంలో చేతులు ఉంచకుండా కింద భాగంలో పట్టుకుని మాట్లాడండి. ఎందుకంటే ఫోన్‌లో యాంటెన్నా పైభాగంలోనే ఉంటుంది.