కొత్తగా పెళ్లయిన జాకీ భగ్నానీ, రకుల్ ప్రీత్ సింగ్‌‌లకు భారత ప్రధాని నరేంద్ర మోదీ శుభాకాంక్షలు తెలిపారు.

ఈ మేరకు ఆయన ఒక ప్రకటన విడుదల చేశారు.

దీనికి రకుల్ ప్రీత్, జాకీ భగ్నానీ ఇద్దరూ సోషల్ మీడియాలో స్పందించి నరేంద్ర మోదీకి ధన్యవాదాలు తెలిపారు.

ఫిబ్రవరి 21వ తేదీన వీరిద్దరూ వివాహ బంధంతో ఒకటయ్యారు.

వీరిద్దరూ కొన్ని సంవత్సరాల నుంచే రిలేషన్‌షిప్‌లో ఉన్నట్లు సమాచారం.

బాలీవుడ్ బడా ప్రొడ్యూసర్ వషు భగ్నానీ కుమారుడే ఈ జాకీ భగ్నానీ.

2009లో వచ్చిన ‘కల్ కిస్నే దేఖా’ సినిమాతో జాకీ భగ్నానీ ఇండస్ట్రీలో హీరోగా ఎంట్రీ ఇచ్చారు.

ఆ తర్వాత కూడా హీరోగా కొన్ని సినిమాల్లో నటించినా అవి పెద్దగా సక్సెస్ కాలేదు.

దీంతో నిర్మాణం మీద దృష్టి పెట్టారు. బాలీవుడ్ క్రేజీ ప్రాజెక్టు ‘బడే మియా చోటే మియా’కు కూడా జాకీ భగ్నానీనే ప్రొడ్యూసర్‌.

మరోవైపు రకుల్ కూడా క్రేజీ ప్రాజెక్టు ‘ఇండియన్ 2’లో నటిస్తున్నారు.