ఆస్ట్రేలియాతో జరగనున్న రెండో టెస్టులో రోహిత్ శర్మ ఆడతాడా? బోర్డర్ గవాస్కర్ ట్రోఫీలో భారత్, ఆస్ట్రేలియా జట్ల మధ్య ఐదు టెస్టుల సిరీస్ జరుగుతోంది. ఈ సిరీస్‌లో భాగంగా మొదటి టెస్టు మ్యాచ్ ఇప్పటికే ముగిసింది. ఈ మ్యాచ్‌లో భారత్ ఘనవిజయం సాధించింది. భారత టెస్టు జట్టు రెగ్యులర్ కెప్టెన్ రోహిత్ శర్మ ఈ మ్యాచ్‌లో ఆడలేదు. దీంతో ఈ మ్యాచ్‌లో జస్‌ప్రీత్ బుమ్రా భారత జట్టుకు కెప్టెన్సీ వహించాడు. కానీ రోహిత్ శర్మ రెండో టెస్టులో ఆడతాడని తెలుస్తోంది. ప్రైమ్ మినిస్టర్ ఎలెవన్‌తో జరిగిన ప్రాక్టీస్ మ్యాచ్‌లో భారత జట్టుకు రోహిత్‌నే కెప్టెన్సీ వహించాడు. కాబట్టి రెండో టెస్టులో రోహిత్ శర్మ ఆడటం పక్కా అని చెప్పవచ్చు. రోహిత్ రాకతో భారత బ్యాటింగ్ మరింత బలంగా మారింది.