చాణక్య నీతి: ఈ నాలుగు మీ సొంతమైతే ఓటమి మీనుంచి పారిపోతుంది
ఆచార్య చాణక్యుడు తన చాణక్య నీతిలో జీవిత పురోగమనానికి సంబంధించిన అనేక అంశాల‌ను వెల్ల‌డించాడు.
క‌ష్ట సమయాల్లో మనకు మద్దతు ఇచ్చే నిజమైన స్నేహితుడు డబ్బు. ఇది కష్టమైన జీవనశైలిని ఆహ్లాదకరంగా, సులభంగా మారుస్తుంది.
ఆ డబ్బు ఉండాలంటే మీలో ప్రత్యేకమైన లక్షణాలు ఉండాలన్నాడు...ముఖ్యంగా 4 క్వాలిటీస్ గురించి చెప్పాడు ఆచార్య చాణక్యుడు
విద్య మంచి చదువు మనిషి వ్యక్తిత్వాన్ని కూడా పెంచుతుంది. విద్య ఒక వ్యక్తికి మంచి చెడుల మధ్య వ్యత్యాసాన్ని బోధిస్తుంది. విజయం సాధించడంలో ముఖ్యమైన పాత్ర పోషిస్తుంది.
గురువుపట్ల గౌరవం చాణక్య నీతి ప్రకారం, విద్యార్థి తన గురువును ఎట్టి పరిస్థితుల్లోనూ అవమానించకూడదు. ఉపాధ్యాయులు - విద్యార్థుల మధ్య సంబంధం చాలా స్వచ్ఛమైనది. వారిని అవమానిస్తే జ్ఞానసంపద కోల్పోతారు...తద్వారా మీరు నేర్చుకున్న విద్యకు సార్థకత ఉండదు.
జ్ఞానం జ్ఞానం, విద్య లేకుండా జీవితంలో ఏ వ్య‌క్తీ విజయం సాధించలేడు. కాబట్టి ప్రతి వ్యక్తి జ్ఞానం పొందాలి. విద్య అనేది జీవితంలో అత్యంత విలువైనది. ఎందుకంటే అది మీ కోరికలన్నింటినీ నెరవేరుస్తుంది. జ్ఞానం ఉంటే సంపాదించ‌డం ఏ మాత్రం కష్టం కాదు.
సంపూర్ణ జ్ఞానం పిరికిత‌నం, సంకోచం ఉన్నవారు ఎప్పటికీ జ్ఞానాన్ని పొందలేరు. అలాంటి వారు జీవితంలో విజయం సాధించడం కష్టం. అసంపూర్ణ జ్ఞానం ఎప్పుడూ ప్రమాదకర‌మే . ఏ అంశంపై అయినా సంపూర్ణ జ్ఞానాన్ని పొందాలి.
ఆచార్య చాణక్యుడు చెప్పిన ప్రకారం, పైన పేర్కొన్న 4 శక్తులను కలిగి ఉన్న వ్యక్తి జీవితంలో ఎప్పుడూ ఓటమి పాల‌వ‌డు. అతను ప్రారంభించిన ప్రతి ప‌నీ విజయ‌వంత‌మ‌వుతుంది.