ఆచార్య చాణక్యుడు చెప్పిన ప్రకారం, ఇద్దరు జ్ఞానులు ఒకరితో ఒకరు మాట్లాడుకుంటున్నప్పుడు, ఎవరూ వారిని అడ్డుకోకూడదు. అలా చేస్తే వారి పనికి ఆటంకం కలుగుతుంది. దీనినే మూర్ఖత్వం అంటారు.
భార్యాభర్తల మధ్యకు వెళ్లవద్దు
ఆనందం, కోపం, వివాదం ఏ సందర్భంలో అయినా భార్యాభర్తల మధ్య ఎవ్వరూ జోక్యం చేసుకోకూడదు. ఏ వ్యక్తి కూడా వారి సంభాషణకు అంతరాయం కలిగించకూడదు. ఇది వారి వ్య‌క్తిగ‌త స్వేచ్ఛ‌కు భంగం కలిగిస్తుందని చాణక్యుడు చెప్పాడు
నాగలి - ఎద్దుల మధ్య వెళ్లవద్దు
నాగలి, ఎద్దులు కలిసి వెళుతున్న‌ప్పుడు మీరు వాటి మ‌ధ్య‌లోకి వెళ్లి తప్పు చేయకూడదు. అలా వెళితే మీరు గాయాల‌పాలై బాధ ప‌డ‌వచ్చు. ఒక్కోసారి ఈ తప్పు మరణానికి దారితీస్తుందని చాణక్యుడు హెచ్చ‌రించాడు.
య‌జ్ఞం- పండితుల మధ్యకు వెళ్లవద్దు
అగ్నిగుండం దగ్గర పూజారి లేదా వేద పండితులు కూర్చున్నప్పుడు, ఎవరూ వారి మ‌ధ్య‌గా వెళ్ల‌కూడదు. ఇలా చేయడం వల్ల వారి పూజలో ఆటంకాలు ఏర్పడి హవన యాగానికి ఆటంకం కలుగుతుంది.
Disclaimer: ఇక్కడ అందించిన సమాచారం కేవలం మత విశ్వాసాల మీద ఆధారపడి సేకరించింది మాత్రమే. దీనికి సంబంధించిన శాస్త్రీయ ఆధారాలకు సంబంధించి ‘ఏబీపీ దేశం’ ఎలాంటి భాధ్యత తీసుకోదు.