భార్యాభర్తల బంధం ప్రపంచంలోనే అత్యంత గట్టి బంధమని చాణక్యుడు చెప్పాడు. కానీ ఈ సంబంధం ప్రేమ, నమ్మకం అనే పునాదుల‌పై ఆధారపడి ఉంటుంది.
వైవాహిక జీవితంలో ప్రేమ లేదా నమ్మకం లోపిస్తే, ఈ బంధం కూడా బలహీనపడటం ప్రారంభమవుతుంది.
చాణక్య నీతి ప్రకారం భార్యాభర్తలు ఒకరికొకరు ప్రేమను పంచుకోవడానికి సిగ్గుపడకూడదు. పరస్పరం ప్రేమను పంచుకోకపోతే అది వారి బంధంలో దూరాన్ని, అడ్డంకిని కలిగిస్తుంది.
భార్యాభర్తల మధ్య ప్రేమ, అంకితభావం, త్యాగం విషయంలో ఎలాంటి సంకోచం ఉండకూడదు. కాబట్టి జీవితంలో ఆనందంగా ఉండే అవకాశం దొరికినప్పుడల్లా ఆనందించాల‌ని ఆచార్య చాణక్యుడు సూచించాడు.
వివాహ బంధంలో ప్రేమతో పాటు గౌరవం కూడా ముఖ్యం. అహం భావాల వల్ల సంబంధం చెడిపోతుంది. అందుకే ఈ విషయాన్ని ఎప్పటికీ మరచిపోకూడదు.
నీ జీవితం నువ్వు జీవించు అనే సూత్రం ఇద్ద‌రికీ వ‌ర్తిస్తుంది. ఇది మీ సంతోషకరమైన వైవాహిక జీవితానికి ఆధారం.
భార్యాభర్తల గౌరవం వేరు కాదన్న విషయం దంప‌తులు అర్థం చేసుకోకపోవడమే బంధం చెడిపోవడానికి అసలు కారణమని చాణక్యుడు చెప్పాడు.
భార్యాభర్తలు జీవిత రథానికి రెండు చక్రాల వంటివారు. అందుకే భార్యాభర్తలు ఒకరి తప్పులను, చెడు ల‌క్ష‌ణాల‌ను ఇతరుల ముందు బయటపెట్టకూడదని గుర్తుంచుకోవాలి.
చాణక్య నీతి ప్రకారం వీటిని అనుసరించేవారి వైవాహిక జీవితం చాలా సంతోషంగా ఉంటుంది. వారి వైవాహిక బంధం బలంగా ఉంటుంది.