చాణక్య నీతి: ఈ 5 విషయాలపై దృష్టిపెడితే మీరు ఎక్కడో ఉంటారు!
ఆచార్య చాణక్యుడి సూచనలు, సలహాలు మన జీవన మార్గానికి బాసటగా నిలుస్తున్నాయి
జీవితంలో మనం ఎలా ముందుకెళ్లాలి? ఎలాంటి నిర్ణయాలు తీసుకోవాలి? ఎలా నడుచుకోవాలో చాణక్యుడు చ‌క్క‌గా వివరించాడు.
లక్ష్యాన్ని సాధించేందుకు సిద్ధంగా ఉన్నవారే ఖచ్చితంగా విజయం సాధిస్తారని చాణక్యుడు చెప్పాడు.
రోజూ ఉదయం లేచిన తర్వాత ఈ 5 విషయాలపై దృష్టి సారిస్తే మీకు తిరుగులేదంటాడు చాణక్యుడు
సూర్యోద‌యానికి ముందే లేవాలి మీ లక్ష్యాన్ని సాధించాలనుకుంటే మొదట చేయాల్సింది తొందరగా నిద్రలేవడం. బ్రహ్మ మహూర్తంలో నిద్రలేవడం వల్ల..ఆ రోజు ఏఏ పనులు చేయాలి అనుకున్నారో అవన్నీ సకాలంలో చేయగలుగుతారు.
ప్రణాళిక ప్రకారం పని చేయడం సమయానికి నిద్రలేవడం ఎంత ముఖ్యమో... ఆ సయమాన్ని ఎలా సద్వినియోగం చేసుకోవాలో ప్లాన్ చేసుకోడం మరింత ముఖ్యం. ప్రణాళిక ప్రకారం పని చేసే వారు విజయ సాధనలో మొదటి అవరోధాన్ని దాటుతారు.
ఏ రోజు పని ఆ రోజే చేయండి పోగొట్టుకున్న డబ్బు తిరిగి పొందవచ్చు, కానీ గడిచిన కాలం ఎట్టి పరిస్థితుల్లోనూ తిరిగి రాదు. అందువ‌ల్ల ఈ రోజు చేయ‌ల్సిన పనిని రేపటికి వాయిదా వేయకూడ‌ద‌ని చాణక్యుడు సూచించాడు
ఆహారం స‌రైన సమయానికి బ‌ల‌వ‌ర్ధ‌క‌మైన మంచి పోషకాలున్న ఆహారం తీసుకుంటే ఆరోగ్యంగా, ఉత్సాహంగా ఉంటాడని చాణక్యుడు చెప్పాడు. ఫ‌లితంగా రెట్టించిన ఉత్సాహంతో విజయం వైపు పయనిస్తార‌ని తెలిపాడు.
ఆరోగ్యంపై దృష్టి పెట్టండి శరీరం అనారోగ్యంగా ఉంటే ఏ లక్ష్యం నెరవేరదు. మీరు కలలను అర్థవంతం చేయాలనుకుంటే, ప్రతిరోజూ ఉదయం యోగా, వ్యాయామం కోసం కొంత సమయం కేటాయించండి. మీరు ఆరోగ్యంగా ఉంటేనే పూర్తి శక్తితో పని చేయగలుగుతారు.