టీమిండియాలోకి భువనేశ్వర్ కుమార్ పునరాగమనం ప్రమాదంలో పడిందని తెలుస్తోంది. భువనేశ్వర్ కుమార్ చాలా కాలం నుంచి టీమిండియాలో లేడు. ఇటీవల కాలంలో ఆడిన సిరీస్‌ల్లో కూడా భువీకి జట్టులో చోటు దక్కలేదు. ప్రస్తుతం ఆడుతున్న ఆఫ్ఘన్ సిరీస్‌లో కూడా భువీ ఆడటం లేదు. ఇప్పుడు ఉన్న టీమిండియాలో భువీకి అసలు స్థానమే లేదు. సెలక్టర్లు తనను కనీసం కన్సిడర్ కూడా చేయడం లేదని సమాచారం. చివరిసారిగా 2022 నవంబర్‌లో భువీ అంతర్జాతీయ మ్యాచ్ ఆడాడు. 21 టెస్టు మ్యాచ్‌ల్లో భువీ 63 వికెట్లు పడగొట్టాడు. 121 వన్డే మ్యాచ్‌ల్లో 141 వికెట్లు దక్కించుకున్నాడు. భువనేశ్వర్ కుమార్ స్వింగ్ బౌలింగ్‌కు మంచి పేరు గాంచాడు.