ఫ్లెక్స్ ఫ్యూయల్ బైక్ అంటే ఏమిటి?

ఫ్లెక్స్-ఫ్యూయల్ బైక్ అనేది ఒకే ఇంధన ట్యాంక్‌లో పెట్రోల్, ఇథనాల్ వివిధ రకాల మిశ్రమాలతో నడపగలిగేలా ప్రత్యేక సాంకేతికతతో రూపొందించిన వాహనం.

సాధారణ బైకులు కేవలం 100% పెట్రోల్ లేదా చాలా తక్కువ శాతం ఇథనాల్ కలిపిన ఇంధనంతో మాత్రమే నడుస్తాయి.

కానీ ఫ్లెక్స్-ఫ్యూయల్ బైకులు E20 నుంచి E85 అంటే 85% ఇథనాల్, 15% పెట్రోల్ వరకు ఎలాంటి మిశ్రమ ఇంధనాన్ని అయినా సమర్థవంతంగా వినియోగించుకోగలవు.

ఫ్లెక్స్-ఫ్యూయల్ బైకులలో ఉండే ఒక ప్రత్యేక ఫ్యూయల్ కంపోజిషన్ సెన్సార్ ట్యాంక్‌లో ఎంత శాతం ఇథనాల్ ఉందో నిరంతరం గుర్తిస్తుంది.

ఆ డేటా ఆధారంగా ఇంజన్‌లోని ఆటోమేటెడ్ ECU ఇంధనం ఇంజెక్షన్ అయ్యే మోతాదును, స్పార్క్ టైమింగ్‌ను ఆటోమేటిక్‌గా మార్చుకుంటుంది.

భారత మార్కెట్లో ఇప్పటికే హీరో మోటోకార్ప్ తన పాపులర్ మోడల్స్ అయిన స్ప్లెండర్ ప్లస్ ఫ్లెక్స్ ఫ్యూయల్, HF డీలక్స్ ఫ్లెక్స్ ఫ్యూయల్ విడుదల చేసింది.

హోండా సంస్థ CB300F ఫ్లెక్స్ ఫ్యూయల్ వంటి మోడల్స్‌ను ఇథనాల్ ఇంధన సామర్థ్యంతో అందుబాటులోకి తెచ్చింది.

ఫ్లెక్స్-ఫ్యూయల్ బైకుల వల్ల ఇంధన ఖర్చులు భారీగా తగ్గుతాయి.

ఫ్లెక్స్-ఫ్యూయల్ బైకుల వల్ల కాలుష్యం చాలా వరకు తగ్గుతుంది.