టాటా మోటార్స్ మోస్ట్ ప్రెస్టీజియస్ కారు ఆగస్టు ఏడో తేదీన లాంచ్ కానుంది. అదే టాటా కర్వ్ ఈవీ. ఇది ఒక ఎలక్ట్రిక్ కారు. మొదట టాటా కర్వ్‌కు సంబంధించిన ఎలక్ట్రిక్ వెర్షన్ మాత్రమే రిలీజ్ చేయనున్నారు. కానీ తర్వాత దీని పెట్రోల్, డీజిల్ వెర్షన్లు కూడా మార్కెట్లోకి రానున్నాయి. అయితే లాంచ్‌కు ముందే దీనికి సంబంధించిన డిస్‌ప్లే యూనిట్లు డీలర్ల వద్దకు చేరుతున్నాయట. దీనికి సంబంధించిన కొన్ని వేరియంట్ల పేర్లు కూడా ఇప్పటికే లీకయ్యాయి. టాటా లాంచ్ చేయనున్న ఈ కార్లపై ఎన్నో అంచనాలు నెలకొన్నాయి. దీని గురించి కార్ లవర్స్ ఎన్నె నెలల నుంచి ఎదురు చూస్తున్నారు. టాటా పంచ్, నెక్సాన్ కార్లు ప్రస్తుతం మార్కెట్లో సేల్స్ పరంగా మంచి ఊపులో ఉన్నాయి. మరి టాటా కర్వ్ వీటికి ఎంత వరకు పోటీని ఇస్తుందో చూడాలి.