భారతదేశంలో అత్యంత చవకైన 7 సీటర్ కారు ఇదే - కేవలం రూ.6 లక్షల్లోపే!

మనదేశంలో మారుతి సుజుకి కంపెనీ కార్లకు మంచి డిమాండ్ ఉంది.

అత్యంత చవకైన 7 సీటర్ కారును కూడా మారుతినే విక్రయిస్తుంది. అదే మారుతి సుజుకి ఈకో.

ఇందులో చాలా చోటు ఉంటుంది. పెద్ద కుటుంబాలకు మంచి ఛాయిస్.

దీన్ని వ్యక్తిగత అవసరాలకు మాత్రమే కాకుండా స్కూల్ వ్యాన్‌గా, ఆంబులెన్స్‌గా కూడా వాడవచ్చు.

దీని ఎక్స్ షోరూం ధర రూ.5.32 లక్షల నుంచి ప్రారంభం కానుంది.

ఈ కారులో 1.2 లీటర్ పెట్రోల్ ఇంజిన్‌ను అందించారు. ఇది 81 పీఎస్ పవర్, 104 ఎన్ఎం పీక్ టార్క్‌ను జనరేట్ చేయనుంది.

దీని పెట్రోల్ వేరియంట్ 19.71 కిలోమీటర్లు, సీఎన్‌జీ వేరియంట్ 26.78 కిలోమీటర్ల మైలేజ్‌ను అందించనుంది.

ఇందులో డ్యూయల్ ఎయిర్ బ్యాగ్స్, యాంటీ లాక్ బ్రేకింగ్ సిస్టం వంటి సేఫ్టీ ఫీచర్లను కూడా మారుతి అందించింది.

ఐదు కలర్ ఆప్షన్లలో ఈ సెవెన్ సీటర్ కారును కొనుగోలు చేయవచ్చు.