బజాజ్ ప్లాటినా ట్యాంక్ ఫుల్ అయితే ఎంత దూరం ప్రయాణిస్తుంది? బజాజ్ ప్లాటినా మనదేశంలో ఫేమస్ బైక్‌ల్లో ఒకటి. ఇందులో 4 స్ట్రోక్, డీటీఎస్-ఐ, సింగిల్ సిలిండర్ ఇంజిన్ అందించారు. ఇది 7500 ఆర్పీఎం వద్ద 5.8 కేడబ్ల్యూ పవర్‌ని, 5500 ఆర్పీఎం వద్ద 8.3 ఎన్ఎం టార్క్‌ను జనరేట్ చేస్తుంది. ఇది 4 స్పీడ్ ట్రాన్స్‌మిషన్‌తో మార్కెట్లోకి వచ్చింది. దీని ఫ్యూయల్ ట్యాంక్ కెపాసిటీ 11 లీటర్లుగా ఉంది. ఇది 72 కిలోమీటర్ల మైలేజీని డెలివర్ చేస్తుంది. దీన్ని బట్టి ఒక్కసారి ట్యాంక్ ఫిల్ చేస్తే 790 కిలోమీటర్లు ప్రయాణిస్తుందని అనుకోవచ్చు. ముందువైపు 130 ఎంఎం డ్రమ్ బ్రేక్స్, వెనకవైపు 110 ఎంఎం డ్రమ్ బ్రేక్స్ అందించారు. బజాజ్ ప్లాటినా 100 1255 మిల్లీమీటర్ల వీల్ బేస్‌తో వస్తుంది. దీని గ్రౌండ్ క్లియరెన్స్ 200 మిల్లీమీటర్లుగా ఉంది.