Telangana ABP CVoter Opinion Poll 2023: తెలంగాణ సహా ఐదు రాష్ట్రాల ఎన్నికల తేదీలను కేంద్ర ఎన్నికల సంఘం సోమవారం ప్రకటించింది. నవంబర్ 30న పోలింగ్ జరగనుండగా, డిసెంబర్ 3న ఓట్ల లెక్కింపుతో పాటు మధ్యప్రదేశ్, రాజస్థాన్, చత్తీస్ గఢ్, మిజోరం రాష్ట్రాలు పాల్గొంటాయి. తెలంగాణలో ఓటు హక్కు వినియోగించుకునేందుకు సిద్ధమవుతున్న ఓటర్ల దగ్గర నుంచి  ఏబీపీ, సీవోటర్ సంస్థలు ఓపీనియన్స్ తెలుసుకున్నాయి.


సీ ఓటర్ ఒపీనియన్ పోల్ ప్రకారం ముఖ్యమంత్రి కే చంద్రశేఖర్ రావు నేతృత్వంలోని భారత రాష్ట్ర సమితి (బీఆర్ఎస్), కాంగ్రెస్ మధ్య గట్టి పోటీ ఉంది. బీఆర్ఎస్కు 43 నుంచి 55 సీట్లు, కాంగ్రెస్కు 48 నుంచి 60 సీట్లు గెలుచుకునే అవకాశాలు ఉన్నాయి.  ప్రధాని నరేంద్ర మోడీ, కేంద్ర హోం మంత్రి అమిత్ షా ప్రచారానికి నాయకత్వం వహించినప్పటికీ భారతీయ జనతా పార్టీ (బిజెపి) కేవలం 5 నుండి 11 సీట్లు మాత్రమే గెలుచుకుంటుందని సీఓటర్ ఒపీనియన్ పోల్ అంచనా వేసింది.


ఏబీపీ-సీఓటర్ ఒపీనియన్ పోల్ ప్రకారం కాంగ్రెస్ 10.5 శాతం ఓట్లతో దాదాపు 39 శాతం ఓట్లు సాధించగా, అధికార బీఆర్ఎస్ 9.4 శాతం ఓట్ల వాటాతో 37 శాతం ఓట్లతో రెండో స్థానంలో నిలిచింది. బీజేపీకి 16 శాతం ఓట్లు వస్తాయని, 9.3 శాతం ఓట్లు పెరుగుతాయని తెలిపింది.


అధికార టీఆర్ ఎస్ మరో దఫా అధికారంలోకి రావాలని ప్రయత్నిస్తోంది. కానీ హ్యాట్రిక్ కు కాంగ్రెస్ చెక్ పెట్టాలని చూస్తోంది. సీఎం కేసీఆర్ ను గద్దె దించేందుకు కాంగ్రెస్ పావులు కదుపుతోంది. తెలంగాణ ప్రధానంగా త్రిముఖ పోరు దిశగా పయనిస్తోంది. 2024 లోక్ సభ ఎన్నికలకు ముందు దక్షిణాదిన కొంత పట్టు సాధించేందుకు బీజేపీ ప్రభుత్వాన్ని ఏర్పాటు చేయాలని లక్ష్యంగా పెట్టుకుంది.  



2018లో జరిగిన ఎన్నికల్లో బీఆర్ఎస్ (అప్పటి టీఆర్ఎస్- తెలంగాణ రాష్ట్ర సమితి) 119 స్థానాలకు గాను 88 సీట్లు గెలుచుకుని అతిపెద్ద పార్టీగా అవతరించగా, కాంగ్రెస్ 19 స్థానాలతో రెండో స్థానంలో నిలిచింది. 117 స్థానాల్లో పోటీ చేసిన బీజేపీ కేవలం ఒక్క స్థానంలో మాత్రమే విజయం సాధించింది.



[Disclaimer: Current survey findings and projections are based on CVoter Pre Poll personal interviews (Face to Face) conducted among 18+ adults statewide, all confirmed voters (sample size 11,928). The data is weighted to the known demographic profile of the States. Sometimes the table figures do not sum to 100 due to the effects of rounding. Our final data file has Socio-Economic profile within +/- 1% of the Demographic profile of the State. We believe this will give the closest possible trends. The sample spread is across all Assembly segments in the poll bound state. MoE is +/- 3% at macro level and +/- 5% at micro level VOTE SHARE projection with 95% Confidence interval. ]