Just In
Samsung Galaxy Tab A8: రూ.18 వేలలోపే అదిరిపోయే ట్యాబ్లెట్.. భారీ డిస్‌ప్లే, పెద్ద బ్యాటరీ.. లాంచ్ చేసిన శాంసంగ్!
ప్రముఖ స్మార్ట్ ఫోన్ బ్రాండ్ శాంసంగ్ మనదేశంలో కొత్త ట్యాబ్లెట్‌ను లాంచ్ చేసింది. అదే శాంసంగ్ గెలాక్సీ ట్యాబ్ ఏ8.
శాంసంగ్ గెలాక్సీ ట్యాబ్ ఏ8 మనదేశంలో లాంచ్ అయింది. ఇందులో 10.5 అంగుళాల డబ్ల్యూయూఎక్స్‌జీఏ డిస్‌ప్లేను అందించారు. దీని యాస్పెక్ట్ రేషియో 16:10గా ఉంది. ఆక్టాకోర్ ప్రాసెసర్‌పై ఈ ట్యాబ్లెట్ పనిచేయనుంది. 4 జీబీ వరకు ర్యామ్ ఇందులో ఉంది. దీని బ్యాటరీ సామర్థ్యం ఏకంగా 7040 ఎంఏహెచ్ కావడం విశేషం.
శాంసంగ్ గెలాక్సీ ట్యాబ్ ఏ8 ధర
ఇందులో 3 జీబీ ర్యామ్ + 32 జీబీ స్టోరేజ్ వైఫై వేరియంట్ ధర రూ.17,999గా ఉంది. ఈ స్టోరేజ్‌లో వైఫై + ఎల్టీఈ ధర రూ.21,999గా నిర్ణయించారు. ఇక 4 జీబీ ర్యామ్ + 64 జీబీ స్టోరేజ్‌లో వైఫై వేరియంట్ ధర రూ.19,999గా ఉంది. వైఫై + ఎల్టీఈ వేరియంట్ ధరను రూ.23,999గా నిర్ణయించారు. గ్రే, పింక్ గోల్డ్, సిల్వర్ కలర్ ఆప్షన్లలో ఈ ఫోన్ కొనుగోలు చేయవచ్చు. జనవరి 17వ తేదీ నుంచి దీని సేల్ ప్రారంభం కానుంది. ప్రారంభ ఆఫర్ కింద ఐసీఐసీఐ బ్యాంకు కార్డుల ద్వారా కొనుగోలు చేస్తే రూ.2,000 క్యాష్ బ్యాక్ లభించనుంది.
శాంసంగ్ గెలాక్సీ ట్యాబ్ ఏ8 స్పెసిఫికేషన్లు
ఆండ్రాయిడ్ 11 ఆపరేటింగ్ సిస్టంపై ఈ ఫోన్ పనిచేయనుంది. శాంసంగ్ గెలాక్సీ ట్యాబ్ ఏ8లో 10.5 అంగుళాల డబ్ల్యూయూఎక్స్‌జీఏ డిస్‌ప్లేను అందించారు. దీని యాస్పెక్ట్ రేషియో 16:10 కాగా, స్క్రీన్ టు బాడీ రేషియో 80 శాతంగా ఉంది. దీని స్క్రీన్ రిజల్యూషన్ 1920 x 1200 పిక్సెల్స్‌గా ఉండనుంది. ఇందులో 4 జీబీ వరకు ర్యామ్, 64 జీబీ వరకు స్టోరేజ్ ఉన్నాయి.
ఇందులో వెనకవైపు 8 మెగాపిక్సెల్ కెమెరా ఉంది. ఇక ముందువైపు 5 మెగాపిక్సెల్ సెన్సార్‌ను అందించారు. దీని బ్యాటరీ సామర్థ్యం 7040 ఎంఏహెచ్‌గా ఉంది. 4జీ ఎల్టీఈ, వైఫై 5, బ్లూటూత్ 5, జీపీఎస్, గ్లోనాస్, యూఎస్‌బీ టైప్-సీ పోర్టు ఇందులో ఉన్నాయి. యాక్సెలరోమీటర్, కంపాస్, గైరోస్కోప్, లైట్, హాల్ సెన్సార్, జీపీఎస్, గ్లోనాస్, బైదు, గెలిలీయో సెన్సార్లు కూడా ఇందులో ఉన్నాయి. ఇందులో క్వాడ్ స్టీరియో స్పీకర్ సిస్టంను శాంసంగ్ అందించింది. డాల్బీ అట్మాస్ సపోర్ట్ కూడా ఉంది. దీని మందం 0.69 సెంటీమీటర్లు గానూ, బరువు 508 గ్రాములుగానూ ఉంది.
Also Read: Vivo Y01 Price Leaked: వివో కొత్త ఫోన్ ధర, ఫీచర్లు లీక్.. రూ.10 వేలలోపే!
Also Read: Samsung Offers: గుడ్‌న్యూస్.. ఈ శాంసంగ్ ఫోన్ ధర తగ్గింపు.. ఇప్పుడు రూ.13 వేలలోపే!
Also Read: Cheapest 5G Phone: వేడెక్కుతున్న 5జీ మార్కెట్.. రూ.20 వేలలోపే మరో 5జీ ఫోన్!
Also Read: Lost Aadhar Card: ఆధార్ కార్డు పోయిందా.. స్మార్ట్ ఫోన్‌లో ఇలా చేస్తే చాలు.. కొత్త ఆధార్ ఇంటికి!