ఒప్పో రెనో 6 లైట్ స్మార్ట్ ఫోన్ లాంచ్ అయింది. ఒప్పో రెనో సిరీస్ స్మార్ట్ ఫోన్లు సూపర్ సక్సెస్ అయిన సంగతి తెలిసిందే. ఈ సిరీస్‌లో ఒప్పో రెనో 6, ఒప్పో రెనో 6 ప్రో స్మార్ట్ ఫోన్లు ఇప్పటికే లాంచ్ అయ్యాయి. ఒప్పో రెనో 6 లైట్ ప్రస్తుతం మెక్సికోలో లాంచ్ అయింది. ఇందులో క్వాల్‌కాం స్నాప్‌డ్రాగన్ 662 ప్రాసెసర్‌ను అందించారు.
ఒప్పో రెనో 6 లైట్ ధర
ఈ స్మార్ట్ ఫోన్ ధరను 8,799 మెక్సికన్ పెసోలుగా (సుమారు రూ.32,200) నిర్ణయించారు. అమెజాన్ మెక్సికో వెబ్‌సైట్లో ఈ ఫోన్ కొనుగోలు చేయవచ్చు. బ్లాక్, రెయిన్ బో సిల్వర్ కలర్ ఆప్షన్లలో ఈ ఫోన్ కొనుగోలు చేయవచ్చు. బ్లాక్, రెయిన్ బో సిల్వర్ కలర్ ఆప్షన్లలో ఈ ఫోన్ కొనుగోలు చేయవచ్చు.
ఒప్పో రెనో 6 లైట్ స్పెసిఫికేషన్లు
ఆండ్రాయిడ్ 11 ఆపరేటింగ్ సిస్టంపై ఈ ఫోన్ పనిచేయనుంది. ఆక్టాకోర్ క్వాల్‌కాం స్నాప్‌డ్రాగన్ 662 ప్రాసెసర్‌ను ఇందులో అందించారు. 6 జీబీ ర్యామ్, 128 జీబీ స్టోరేజ్ ఇందులో ఉంది. 6.43 అంగుళాల ఫుల్ హెచ్‌డీ+ అమోఎల్ఈడీ డిస్‌ప్లే ఇందులో ఉంది. దీని టచ్ శాంప్లింగ్ రేట్ 180 హెర్ట్జ్‌గా ఉంది.
ఇందులో వెనకవైపు మూడు కెమెరాలు అందించారు. వీటిలో ప్రధాన కెమెరా సామర్థ్యం 48 మెగాపిక్సెల్ కాగా.. దీంతోపాటు 2 మెగాపిక్సెల్ పొర్‌ట్రెయిట్ సెన్సార్, 2 మెగాపిక్సెల్ మాక్రో షూటర్ కూడా ఉన్నాయి. ఇక సెల్ఫీలు, వీడియో కాల్స్ కోసం ముందువైపు 16 మెగాపిక్సెల్ సెల్ఫీ కెమెరాను అందించారు.
దీని బ్యాటరీ సామర్థ్యం 5000 ఎంఏహెచ్‌గా ఉంది. 33W ఫాస్ట్ చార్జింగ్‌ను ఈ ఫోన్ సపోర్ట్ చేయనుంది. ఇన్ డిస్‌ప్లే ఫింగర్ ప్రింట్ సెన్సార్‌ను ఇందులో అందించారు. 4జీ ఎల్టీఈ, వైఫై, బ్లూటూత్ వీ5, జీపీఎస్/ఏ-జీపీఎస్, వంటి కనెక్టివిటీ ఫీచర్లు ఇందులో ఉన్నాయి. దీని మందం 0.79 సెంటీమీటర్లు కాగా.. బరువు 175 గ్రాములుగా ఉంది.
Also Read: Vivo Y01 Price Leaked: వివో కొత్త ఫోన్ ధర, ఫీచర్లు లీక్.. రూ.10 వేలలోపే!
Also Read: Samsung Offers: గుడ్‌న్యూస్.. ఈ శాంసంగ్ ఫోన్ ధర తగ్గింపు.. ఇప్పుడు రూ.13 వేలలోపే!
Also Read: Cheapest 5G Phone: వేడెక్కుతున్న 5జీ మార్కెట్.. రూ.20 వేలలోపే మరో 5జీ ఫోన్!
Also Read: Lost Aadhar Card: ఆధార్ కార్డు పోయిందా.. స్మార్ట్ ఫోన్‌లో ఇలా చేస్తే చాలు.. కొత్త ఆధార్ ఇంటికి!