హానర్ 90 5జీ స్మార్ట్ ఫోన్ మనదేశంలో వచ్చే వారం లాంచ్ కానుంది. హెచ్‌టెక్ పేరుతో ఈ కంపెనీ రానుంది. కంపెనీ తన ఎక్స్ (ట్విట్టర్) హ్యాండిల్‌లో ఈ విషయాన్ని అధికారికంగా ప్రకటించింది. ఇందులో వెనకవైపు 200 మెగాపిక్సెల్ కెమెరా ఉండనుందని తెలుస్తోంది. ఈ ఫోన్ చైనా మార్కెట్లో ఇప్పటికే లాంచ్ అయింది.
సెప్టెంబర్ 14వ తేదీన ఈ ఫోన్ మనదేశంలో లాంచ్ కానుంది. మధ్యాహ్నం 12:30 గంటలకు ఈ లాంచ్ ఈవెంట్ ప్రారంభం కానుంది. దీనికి సంబంధించిన మీడియా ఇన్వైట్లను కూడా కంపెనీ పంపడం ప్రారంభించింది. అమెజాన్‌లో ఈ ఫోన్ విక్రయానికి రానుంది.
హానర్ 90 5జీ స్పెసిఫికేషన్లు (అంచనా)
దీనికి సంబంధించిన ఫీచర్లను కంపెనీ టీజ్ చేసింది. 1.5కే రిజల్యూషన్ టీయూవీ రెయిన్‌ల్యాండ్ సర్టిఫైడ్ డిస్‌ప్లేను ఇందులో అందించారు. 1600 నిట్స్ పీక్ బ్రైట్‌నెస్‌ను ఇది డెలివర్ చేయనుంది. అమెజాన్‌లో ఈ ఫోన్‌కు సంబంధించిన ల్యాండింగ్ పేజీ కూడా చూడవచ్చు. అందులో కొన్ని స్పెసిఫికేషన్లు టీజ్ చేశారు.
ఆండ్రాయిడ్ 13 ఆధారిత మ్యాజిక్ ఓఎస్ 7.1 ఆపరేటింగ్ సిస్టంపై ఈ ఫోన్ పని చేయనుంది. ఫోన్ వెనకవైపు 200 మెగాపిక్సెల్ కెమెరాను అందించనున్నారు. సెల్ఫీలు, వీడియో కాల్స్ కోసం ముందువైపు 50 మెగాపిక్సెల్ కెమెరా ఉండనుంది.
ఈ ఫోన్ చైనా వేరియంట్‌లో 6.7 అంగుళాల ఫుల్ హెచ్‌డీ+ కర్వ్‌డ్ ఓఎల్ఈడీ డిస్‌ప్లేను అందించారు. దీని రిఫ్రెష్ రేట్ 120 హెర్ట్జ్‌గా ఉంది. క్వాల్‌కాం స్నాప్‌డ్రాగన్ 7 జెన్ 1 ప్రాసెసర్‌పై ఈ ఫోన్ పని చేయనుంది. 16 జీబీ వరకు ర్యామ్, 512 జీబీ వరకు స్టోరేజ్ ఈ ఫోన్‌లో ఉన్నాయి. దీని బ్యాటరీ సామర్థ్యం 5000 ఎంఏహెచ్ కాగా, 66W ఫాస్ట్ ఛార్జింగ్‌ను ఈ ఫోన్ సపోర్ట్ చేయనుంది.
హానర్ 90 5జీ ధర (అంచనా)
ఈ ఫోన్ చైనాలో మూడు వేరియంట్లలో లాంచ్ అయింది. వీటిలో ప్రారంభ వేరియంట్ అయిన 12 జీబీ ర్యామ్ + 256 జీబీ స్టోరేజ్ వేరియంట్ ధర 2,499 యువాన్లుగా (సుమారు రూ.29,000) ఉంది. 16 జీబీ ర్యామ్ + 256 జీబీ స్టోరేజ్ వేరియంట్ ధర 2,799 యువాన్లుగా (సుమారు రూ.32,680) నిర్ణయించారు. టాప్ ఎండ్ వేరియంట్ అయిన 16 జీబీ ర్యామ్ + 256 జీబీ స్టోరేజ్ వేరియంట్ ధర 2,999 యువాన్లుగా (సుమారు రూ.35,017) ఉంది. భారతీయ వేరియంట్ ధర సుమారు రూ.35 వేలుగా ఉండే అవకాశం ఉంది.
Read Also: వాట్సాప్‌లో ఇకపై హై-క్వాలిటీ వీడియోలను పంపుకోవచ్చు, ఎలాగో తెలుసా?
Read Also: సెకండ్ హ్యాండ్ ఐఫోన్‌ కొంటున్నారా? ఈ విషయాలు కచ్చితంగా తెలుసుకోవాల్సిందే!
Read Also: మీ స్మార్ట్ ఫోన్ ఊరికే స్లో అయిపోతుందా? - అయితే ఈ టిప్స్ ఫాలో అవ్వండి!
ముఖ్యమైన, మరిన్ని ఆసక్తికర కథనాల కోసం ‘టెలిగ్రామ్’లో ‘ఏబీపీ దేశం’లో జాయిన్ అవ్వండి.
Join Us on Telegram: https://t.me/abpdesamofficial