Just In
Sim Swapping Scams: మీ నంబర్‌పై ఎన్ని సిమ్‌లు ఉన్నాయి? - చిన్న జాగ్రత్తలతో పెద్ద మోసాలు తప్పుతాయి!
Sim Card Swapping Scams: సిమ్ స్వాపింగ్ క్రైమ్ నుంచి తప్పించుకోవాలంటే ఏం చేయాలి?
Sim Cards on Your Numbers: సైబర్ క్రైమ్ కేసులు రోజురోజుకు పెరిగిపోతున్నాయి. స్కామర్లు సిమ్ స్వాపింగ్ ద్వారా ప్రజలను కూడా లక్ష్యంగా చేసుకుంటున్నారు. వాస్తవానికి సిమ్ స్వాపింగ్‌లో ఏం జరుగుతుంది? స్కామర్లు మీ వ్యక్తిగత వివరాల సహాయంతో వారి మొబైల్‌లో మీ నంబర్‌ను యాక్టివేట్ చేసి, ఆపై మీ నంబర్‌కు అందిన మొత్తం సమాచారాన్ని ఉపయోగించి మీ బ్యాంక్ ఖాతాను ఖాళీ చేస్తారు. స్కామర్లు సోషల్ మీడియా నుంచి మీ వ్యక్తిగత సమాచారాన్ని సేకరించి, ఆపై దానిని టెలికాం ఆపరేటర్‌కు అందజేసి వారి ఫోన్‌లో మీ సిమ్‌కి యాక్సెస్‌ను పొందుతారు.
నాలుగు క్లిక్‌ల్లో తెలిసిపోతుంది
మీ పేరు మీద ఎన్ని సిమ్ కార్డు సమస్యలు ఉన్నాయో తెలుసుకోవాలంటే, ముందుగా మీరు https://sancharsaathi.gov.in/Home/index.jsp అనే ప్రభుత్వ వెబ్‌సైట్‌కి వెళ్లాలి. జాగ్రత్తగా చూడండి. కేవలం ఈ వెబ్‌సైట్‌కి మాత్రమే వెళ్లి మీ మొబైల్ నంబర్‌ను ఎంటర్ చేయండి. మీరు మరో వెబ్‌సైట్‌ను సందర్శిస్తే మోసానికి గురవుతారు. మీకు కావాలంటే మీరు నేరుగా గూగుల్‌లో TafCop అని కూడా సెర్చ్ చేయవచ్చు.
వెబ్‌సైట్‌లోకి వెళ్లిన తర్వాత సిటిజన్ సెంట్రిక్ ఆప్షన్‌లోకి వెళ్లి, 'Know your mobile connection'పై క్లిక్ చేయండి. ఇప్పుడు ఇక్కడ మీరు మీ మొబైల్ నంబర్, క్యాప్చా కోడ్‌ను కూడా ఇచ్చి ఎంటర్ బటన్‌పై క్లిక్ చేయాలి. అప్పుడు మీ నంబర్‌కు ఒక ఓటీపీ వస్తుంది. దాన్ని నమోదు చేసిన తర్వాత మీ ఆధార్ కార్డ్‌కి ఎన్ని నంబర్లు లింక్ అయ్యాయో మీరు తెలుసుకోవచ్చు. మీరు స్క్రీన్‌పై కనిపించే ఏదైనా నంబర్‌ని ఉపయోగించకుంటే దాన్ని అక్కడే బ్లాక్ చేయవచ్చు. ఇక్కడ మీరు మీ ఆధార్ కార్డ్‌లో గతంలో, ప్రస్తుతం జారీ అయిన అన్ని నంబర్ల జాబితాను చూస్తారు.
Also Read: రూ.15 వేలలోపు ది బెస్ట్ 5జీ ఫోన్ కొనాలనుకుంటున్నారా? అయితే ఈ టాప్ మొబైల్స్ లిస్ట్ మీకోసమే!
గుర్తుపెట్టుకోవాల్సిన విషయాలు ఇవే...
1. ఏదైనా వెబ్‌సైట్‌లో మీ వ్యక్తిగత వివరాలను నమోదు చేసే ముందు వెబ్‌సైట్ సేఫ్‌గా ఉందో లేదో, అఫీషియలా కాదా అని చెక్ చేయండి.
2. ఈ డిజిటల్ యుగంలో మీ వ్యక్తిగత వివరాలను సోషల్ మీడియాలో ఎప్పుడూ షేర్ చేయకండి.
3. వీలైతే సాధ్యమైనంత తక్కువ సందర్భాల్లో మీ బ్యాంక్ ఖాతా, జీమెయిల్‌కి లింక్ అయిన మీ ప్రాథమిక మొబైల్ నంబర్‌ను ఇవ్వండి. ఈ రోజుల్లో స్కామర్లు కేవలం మొబైల్ నంబర్ నుంచి కూడా అనేక రకాల సమాచారాన్ని పొందవచ్చు.
4. మీ డిజిటల్ అకౌంట్ల పాస్‌వర్డ్‌లను బలంగా ఉంచుకోండి. వాటిని ఎట్టి పరిస్థితుల్లోనూ ఎవరితోనూ షేర్ చేయకండి.
ప్రస్తుతం సైబర్ నేరాలు విపరీతంగా పెరుగుతున్నాయి కాబట్టి మన డేటాకు సంబంధించిన చిన్న చిన్న అంశాల్లో కూడా జాగ్రత్తలు తీసుకోవడం అవసరం. కాబట్టి తీసుకోవాల్సిన జాగ్రత్తలు తీసుకుని మోసాల బారిన పడకుండా బయట పడదాం.